PESHITTA
ܒ݁ܳܥܶܐ ܐܢܳܐ ܕ݁ܶܝܢ ܡܶܢ ܩܳܫܺܝܫܶܐ ܕ݁ܺܐܝܬ݂ ܒ݁ܟ݂ܽܘܢ ܐܶܢܳܐ ܩܳܫܺܝܫܳܐ ܚܳܒ݂ܪܟ݂ܽܘܢ ܘܣܳܗܕ݁ܳܐ ܕ݁ܚܳܫܳܘܗܝ ܕ݁ܳܡܫܺܝܚܳܐ ܘܫܳܘܬ݁ܳܦ݂ܳܐ ܕ݁ܫܽܘܒ݂ܚܶܗ ܗܳܘ ܕ݁ܳܥܬ݂ܺܝܕ݂ ܕ݁ܢܶܬ݂ܓ݁ܠܶܐ
BRIEVEN
2 Thessalonicenzen 5
Πρὸς Θεσσαλονικεῖς Βʹ
Hoofdstukken (5)← → toetsen
Getuigen
Interlineair
Tekstgrootte
Diff
PESHITTA
ܪܥܳܘ ܡܳܪܥܺܝܬ݂ܳܐ ܕ݁ܳܐܠܳܗܳܐ ܕ݁ܡܳܫܠܡܳܐ ܠܟ݂ܽܘܢ ܘܳܣܥܽܘܪܘ ܪܽܘܚܳܢܳܐܝܺܬ݂ ܠܳܐ ܒ݁ܳܩܛܺܝܪܳܐ ܐܶܠܳܐ ܒ݁ܶܒ݂ܝܳܢܳܐ ܠܳܐ ܒ݁ܝܽܘܬ݂ܪܳܢܶܐ ܛܳܢܦ݁ܶܐ ܐܶܠܳܐ ܡܶܢ ܟ݁ܽܠܶܗ ܠܶܒ݁ܟ݂ܽܘܢ
PESHITTA
ܠܳܐ ܐܳܝܟ݂ ܡܳܪܳܝܳܐ ܕ݁ܡܳܪܥܺܝܬ݂ܳܐ ܐܶܠܳܐ ܐܳܝܟ݂ ܕ݁ܬ݂ܶܗܘܽܘܢ ܠܗܽܘܢ ܕ݁ܡܽܘܬ݂ܳܐ ܫܳܦ݁ܺܝܪܬ݁ܳܐ
PESHITTA
ܕ݁ܟ݂ܳܕ݂ ܢܶܬ݂ܓ݁ܠܶܐ ܪܳܒ݁ ܪܳܥܳܘܳܬ݂ܳܐ ܬ݁ܩܳܒ݁ܠܽܘܢ ܡܶܢܶܗ ܟ݁ܠܺܝܠܳܐ ܕ݁ܫܽܘܒ݂ܚܳܐ ܕ݁ܠܳܐ ܚܳܡܶܐ
PESHITTA
ܘܳܐܢܬ݁ܽܘܢ ܥܠܳܝܡܶܐ ܐܶܫܬ݁ܳܥܒ݁ܳܕ݂ܘ ܠܩܳܫܺܝܫܳܝܟ݁ܽܘܢ ܘܶܐܬ݂ܥܳܛܦ݂ܘ ܚܺܝܳܐܝܺܬ݂ ܡܳܟ݁ܺܝܟ݂ܽܘܬ݂ ܪܶܥܝܳܢܳܐ ܠܘܳܬ݂ ܚܕ݂ܳܕ݂ܶܐ ܡܶܛܽܠ ܕ݁ܳܐܠܳܗܳܐ ܣܳܩܽܘܒ݂ܠܳܐ ܗܘ ܕ݁ܳܐܝܠܶܝܢ ܕ݁ܡܶܬ݁ܬ݁ܪܺܝܡܺܝܢ ܘܳܠܡܳܟ݁ܺܝܟ݂ܶܐ ܝܳܗܶܒ݂ ܛܳܝܒ݁ܽܘܬ݂ܳܐ
PESHITTA
ܐܶܬ݂ܡܳܟ݁ܳܟ݂ܘ ܗܳܟ݂ܺܝܠ ܬ݁ܚܶܝܬ݂ ܐܺܝܕ݂ܶܗ ܬ݁ܳܩܺܝܦ݂ܬ݁ܳܐ ܕ݁ܳܐܠܳܗܳܐ ܕ݁ܗܺܝ ܬ݁ܪܺܝܡܟ݂ܽܘܢ ܒ݁ܙܳܒ݂ܢܳܐ ܕ݁ܙܳܕ݂ܶܩ
PESHITTA
ܘܶܦ݂ܬ݂ܟ݂ܽܘܢ ܟ݁ܽܠܳܗ ܫܕ݂ܳܘ ܥܳܠ ܐܳܠܳܗܳܐ ܕ݁ܠܶܗ ܒ݁ܛܺܝܠ ܥܠܳܝܟ݁ܽܘܢ
PESHITTA
ܐܶܬ݁ܬ݁ܥܺܝܪܘ ܘܶܥܗܳܕ݂ܘ ܡܶܛܽܠ ܕ݁ܳܒ݂ܥܶܠܕ݁ܒ݂ܳܒ݂ܟ݂ܽܘܢ ܣܳܛܳܢܳܐ ܐܳܝܟ݂ ܐܳܪܝܳܐ ܢܳܗܶܡ ܘܳܡܗܳܠܶܟ݂ ܘܒ݂ܳܥܶܐ ܕ݁ܳܠܡܳܢܽܘ ܢܶܒ݂ܠܳܥ
PESHITTA
ܩܽܘܡܘ ܗܳܟ݂ܺܝܠ ܠܩܽܘܒ݂ܠܶܗ ܟ݁ܳܕ݂ ܡܫܳܪܪܺܝܢ ܐܢܬ݁ܽܘܢ ܒ݁ܗܳܝܡܳܢܽܘܬ݂ܳܐ ܘܕ݂ܳܥܘ ܕ݁ܳܐܦ݂ ܥܳܠ ܐܳܚܳܝܟ݁ܽܘܢ ܕ݁ܳܒ݂ܥܳܠܡܳܐ ܗܶܢܽܘܢ ܗܳܠܶܝܢ ܚܳܫܶܐ ܥܳܪܺܝܢ
PESHITTA
ܐܳܠܳܗܳܐ ܕ݁ܶܝܢ ܕ݁ܛܳܝܒ݁ܽܘܬ݂ܳܐ ܗܳܘ ܕ݁ܳܩܪܳܢ ܠܫܽܘܒ݂ܚܶܗ ܕ݁ܳܠܥܳܠܳܡ ܒ݁ܝܳܕ݂ ܝܶܫܽܘܥ ܡܫܺܝܚܳܐ ܗܳܘ ܕ݁ܝܳܗܒ݂ ܠܳܢ ܕ݁ܟ݂ܳܕ݂ ܢܣܳܝܒ݁ܳܪ ܗܳܠܶܝܢ ܐܽܘܠܳܢܶܐ ܙܥܽܘܪܶܐ ܕ݁ܢܶܬ݂ܚܳܝܳܠ ܘܢܶܫܬ݁ܳܪܳܪ ܘܢܶܬ݂ܩܳܝܳܡ ܒ݁ܶܗ ܠܥܳܠܳܡ
PESHITTA
ܕ݁ܠܶܗ ܫܽܘܒ݂ܚܳܐ ܘܽܐܘܚܕ݁ܳܢܳܐ ܘܺܐܝܩܳܪܳܐ ܠܥܳܠܳܡ ܥܳܠܡܺܝܢ ܐܳܡܺܝܢ
PESHITTA
ܗܳܠܶܝܢ ܙܥܽܘܪܝܳܬ݂ܳܐ ܐܳܝܟ݂ ܕ݁ܣܳܒ݂ܳܪ ܐܢܳܐ ܟ݁ܶܬ݂ܒ݁ܶܬ݂ ܠܟ݂ܽܘܢ ܒ݁ܝܳܕ݂ ܣܺܠܘܳܢܳܘܣ ܐܳܚܳܐ ܡܗܳܝܡܢܳܐ ܘܳܡܦ݁ܳܣ ܐܢܳܐ ܘܣܳܗܶܕ݂ ܐܢܳܐ ܕ݁ܗܳܕ݂ܶܐ ܗܝ ܛܳܝܒ݁ܽܘܬ݂ܳܐ ܫܳܪܺܝܪܬ݁ܳܐ ܕ݁ܳܐܠܳܗܳܐ ܗܳܕ݂ܶܐ ܕ݁ܩܳܝܡܺܝܢ ܐܢܬ݁ܽܘܢ ܒ݁ܳܗ
Blogs over 2 Thessalonicenzen 5
Nog geen artikelen die specifiek naar 2 Thessalonicenzen 5 verwijzen. Zoek toch op de hoofdsite →