PESHITTA
ܡܶܟ݁ܺܝܠ ܐܳܚܳܝ ܚܳܒ݁ܺܝܒ݂ܶܐ ܘܳܪܚܺܝܡܶܐ ܘܚܳܕ݂ܘܳܬ݂ܝ ܘܳܟ݂ܠܺܝܠܝ ܗܳܟ݂ܳܢܳܐ ܩܽܘܡܘ ܒ݁ܡܳܪܳܢ ܚܳܒ݁ܺܝܒ݂ܳܝ
BRIEVEN
3 Johannes 4
Ἰωάννου Γʹ
Hoofdstukken (4)← → toetsen
Getuigen
Interlineair
Tekstgrootte
Diff
PESHITTA
ܡܶܢ ܐܶܘܳܗܕ݂ܺܝܳܐ ܒ݁ܳܥܶܐ ܐܢܳܐ ܘܡܶܢ ܣܽܘܢܛܺܝܟ݂ܳܐ ܕ݁ܚܳܕ݂ ܪܶܥܝܳܢܳܐ ܢܶܗܘܶܐ ܠܗܶܝܢ ܒ݁ܡܳܪܳܢ
PESHITTA
ܐܳܦ݂ ܡܶܢܳܟ݂ ܒ݁ܳܥܶܐ ܐܢܳܐ ܒ݁ܳܪ ܙܳܘܓ݁ܝ ܫܳܪܺܝܪܳܐ ܕ݁ܬ݂ܶܗܘܶܐ ܡܥܳܕ݁ܳܪ ܠܗܶܝܢ ܕ݁ܗܶܢܶܝܢ ܠܐܺܝ ܥܳܡܝ ܒ݁ܶܐܘܳܢܓ݁ܶܠܺܝܳܘܢ ܥܳܡ ܩܠܺܡܺܝܣ ܘܥܳܡ ܫܳܪܟ݁ܳܐ ܕ݁ܳܡܥܳܕ݁ܪܳܢܳܝ ܗܳܢܽܘܢ ܕ݁ܳܫܡܳܗܳܝܗܽܘܢ ܟ݁ܬ݂ܺܝܒ݂ܺܝܢ ܒ݁ܳܟ݂ܬ݂ܳܒ݂ܳܐ ܕ݁ܚܳܝܶܐ
PESHITTA
ܚܕ݂ܳܘ ܒ݁ܡܳܪܳܢ ܒ݁ܟ݂ܽܠܙܒ݂ܳܢ ܘܬ݂ܽܘܒ݂ ܐܳܡܳܪ ܐܢܳܐ ܚܕ݂ܳܘ
PESHITTA
ܘܡܳܟ݁ܺܝܟ݂ܽܘܬ݂ܟ݂ܽܘܢ ܬ݁ܶܬ݂ܺܝܕ݂ܳܥ ܠܘܳܬ݂ ܟ݁ܽܠܢܳܫ ܡܳܪܳܢ ܩܳܪܺܝܒ݂ ܗܽܘ
PESHITTA
ܕ݁ܡܶܕ݁ܶܡ ܠܳܐ ܬ݁ܺܐܦ݁ܽܘܢ ܐܶܠܳܐ ܒ݁ܟ݂ܽܠܙܒ݂ܳܢ ܒ݁ܳܠܽܘܬ݂ܳܐ ܘܳܒ݂ܒ݂ܳܥܽܘܬ݂ܳܐ ܘܳܒ݂ܬ݂ܳܘܕ݁ܺܝܬ݂ܳܐ ܫܶܐܠܳܬ݂ܟ݂ܽܘܢ ܢܶܬ݂ܝܳܕ݁ܥܳܢ ܩܕ݂ܳܡ ܐܳܠܳܗܳܐ
PESHITTA
ܘܳܫܠܳܡܶܗ ܕ݁ܳܐܠܳܗܳܐ ܗܳܘ ܕ݁ܪܳܒ݁ ܡܶܢ ܟ݁ܽܠ ܡܳܕ݁ܳܥ ܢܢܳܛܳܪ ܠܶܒ݁ܳܘܳܬ݂ܟ݂ܽܘܢ ܘܡܳܕ݁ܥܳܝܟ݁ܽܘܢ ܒ݁ܝܶܫܽܘܥ ܡܫܺܝܚܳܐ
PESHITTA
ܡܶܟ݁ܺܝܠ ܐܳܚܳܝ ܐܳܝܠܶܝܢ ܕ݁ܫܳܪܺܝܪܳܢ ܘܳܐܝܠܶܝܢ ܕ݁ܢܳܟ݂ܦ݁ܳܢ ܘܳܐܝܠܶܝܢ ܕ݁ܟ݂ܺܐܢܳܢ ܘܳܐܝܠܶܝܢ ܕ݁ܕ݂ܳܟ݂ܝܳܢ ܘܳܐܝܠܶܝܢ ܕ݁ܳܪܚܺܝܡܳܢ ܘܳܐܝܠܶܝܢ ܕ݁ܳܫܒ݂ܺܝܚܳܢ ܘܳܐܝܠܶܝܢ ܥܒ݂ܳܕ݂ܶܐ ܕ݁ܫܽܘܒ݂ܚܳܐ ܘܳܕ݂ܩܽܘܠܳܣܳܐ ܗܳܠܶܝܢ ܐܶܬ݂ܪܳܥܳܘ
PESHITTA
ܗܳܠܶܝܢ ܕ݁ܺܝܠܶܦ݂ܬ݁ܽܘܢ ܘܩܳܒ݁ܶܠܬ݁ܽܘܢ ܘܳܫܡܳܥܬ݁ܽܘܢ ܘܳܚܙܳܝܬ݁ܽܘܢ ܒ݁ܺܝ ܗܳܠܶܝܢ ܣܥܽܘܪܘ ܘܳܐܠܳܗܳܐ ܕ݁ܳܫܠܳܡܳܐ ܢܶܗܘܶܐ ܥܳܡܟ݂ܽܘܢ
PESHITTA
ܪܳܘܪܒ݂ܳܐܝܺܬ݂ ܕ݁ܶܝܢ ܚܕ݂ܺܝܬ݂ ܒ݁ܡܳܪܳܢ ܕ݁ܳܐܩܶܦ݂ܬ݁ܽܘܢ ܠܡܺܐܳܦ݂ ܕ݁ܺܝܠܝ ܐܳܝܟ݁ܳܢܳܐ ܕ݁ܳܐܦ݂ ܝܳܦ݁ܺܝܢ ܗܘܳܝܬ݁ܽܘܢ ܐܶܠܳܐ ܠܳܐ ܣܦ݂ܺܝܩܺܝܢ ܗܘܳܝܬ݁ܽܘܢ
PESHITTA
ܠܳܐ ܗܘܳܐ ܕ݁ܶܝܢ ܡܶܛܽܠ ܕ݁ܳܚܣܳܪ ܠܺܝ ܐܳܡܳܪ ܐܢܳܐ ܐܶܢܳܐ ܓ݁ܶܝܪ ܝܶܠܦ݁ܶܬ݂ ܕ݁ܢܶܗܘܶܐ ܣܳܦ݂ܶܩ ܠܺܝ ܗܳܘ ܡܶܕ݁ܶܡ ܕ݁ܺܐܝܬ݂ ܠܺܝ
PESHITTA
ܝܳܕ݂ܳܥ ܐܢܳܐ ܕ݁ܶܐܬ݂ܡܳܟ݁ܳܟ݂ ܝܳܕ݂ܳܥ ܐܢܳܐ ܗܽܘ ܐܳܦ݂ ܕ݁ܶܐܬ݂ܝܳܬ݁ܳܪ ܒ݁ܟ݂ܽܠ ܘܳܒ݂ܟ݂ܽܠ ܡܶܕ݁ܶܡ ܡܕ݂ܳܪܳܫ ܐܢܳܐ ܐܳܦ݂ ܒ݁ܣܳܒ݂ܥܳܐ ܐܳܦ݂ ܒ݁ܟ݂ܳܦ݂ܢܳܐ ܒ݁ܳܡܫܳܪܬ݁ܚܽܘܬ݂ܳܐ ܘܳܒ݂ܚܳܣܺܝܪܽܘܬ݂ܳܐ
Blogs over 3 Johannes 4
Nog geen artikelen die specifiek naar 3 Johannes 4 verwijzen. Zoek toch op de hoofdsite →