BRIEVEN

Jakobus 13

Ἰακώβου

Hoofdstukken (16)← → toetsen

1 2 3 4 5 6 7 8 9 10 11 12 13 14 15 16

Getuigen

Interlineair

Tekstgrootte

Diff

PESHITTA

ܟ݁ܽܠ ܢܦ݂ܶܫ ܠܫܽܘܠܛܳܢܶܐ ܕ݁ܪܳܒ݁ܽܘܬ݂ܳܐ ܬ݁ܶܫܬ݁ܳܥܒ݁ܳܕ݂ ܠܳܝܬ݁ ܓ݁ܶܝܪ ܫܽܘܠܛܳܢܳܐ ܕ݁ܠܳܐ ܗܘܳܐ ܡܶܢ ܐܳܠܳܗܳܐ ܗܽܘ ܘܳܐܝܠܶܝܢ ܫܽܘܠܛܳܢܶܐ ܕ݁ܺܐܝܬ݂ܳܝܗܽܘܢ ܡܶܢ ܐܳܠܳܗܳܐ ܗܽܘ ܦ݁ܩܺܝܕ݂ܺܝܢ

PESHITTA

ܡܳܢ ܕ݁ܩܳܐܶܡ ܗܳܟ݂ܺܝܠ ܠܽܘܩܒ݂ܳܠ ܫܽܘܠܛܳܢܳܐ ܠܽܘܩܒ݂ܳܠ ܦ݁ܽܘܩܕ݁ܳܢܳܐ ܕ݁ܳܐܠܳܗܳܐ ܩܳܐܶܡ ܘܗܳܠܶܝܢ ܕ݁ܩܳܝܡܺܝܢ ܠܽܘܩܒ݂ܳܠܗܽܘܢ ܕ݁ܺܝܢܳܐ ܢܶܣܒ݂ܽܘܢ

PESHITTA

ܕ݁ܳܝܳܢܶܐ ܓ݁ܶܝܪ ܠܳܐ ܗܘܳܘ ܕ݁ܶܚܠܬ݂ܳܐ ܠܳܥܒ݂ܳܕ݂ܶܐ ܛܳܒ݂ܶܐ ܐܶܠܳܐ ܠܒ݂ܺܝܫܶܐ ܳܒ݂ܶܐ ܐܳܢܬ݁ ܗܳܟ݂ܺܝܠ ܕ݁ܠܳܐ ܬ݁ܶܕ݂ܚܳܠ ܡܶܢ ܫܽܘܠܛܳܢܳܐ ܥܒ݂ܶܕ݂ ܛܳܒ݂ܬ݂ܳܐ ܘܬ݂ܶܫܒ݁ܽܘܚܬ݁ܳܐ ܬ݁ܶܗܘܶܐ ܠܳܟ݂ ܡܶܢܶܗ

PESHITTA

ܡܫܳܡܫܳܢܳܐ ܗܽܘ ܓ݁ܶܝܪ ܕ݁ܳܐܠܳܗܳܐ ܐܶܠܳܐ ܠܳܟ݂ ܠܛܳܒ݂ܳܬ݂ܳܐ ܘܶܐܢ ܒ݁ܺܝܫܬ݁ܳܐ ܥܳܒ݂ܶܕ݂ ܐܳܢܬ݁ ܕ݁ܚܳܠ ܠܳܐ ܗܘܳܐ ܓ݁ܶܝܪ ܣܪܺܝܩܳܐܝܺܬ݂ ܐܳܣܺܝܪ ܠܣܳܦ݂ܣܺܪܳܐ ܡܫܳܡܫܳܢܳܐ ܗܽܘ ܓ݁ܶܝܪ ܕ݁ܳܐܠܳܗܳܐ ܘܬ݂ܳܒ݂ܽܘܥܳܐ ܕ݁ܪܽܘܓ݂ܙܳܐ ܠܳܐܝܠܶܝܢ ܕ݁ܥܳܒ݂ܕ݁ܺܝܢ ܒ݁ܺܝܫܳܬ݂ܳܐ

PESHITTA

ܘܡܶܛܽܠ ܗܳܢܳܐ ܐܳܠܳܐ ܠܳܢ ܕ݁ܢܶܫܬ݁ܳܥܒ݁ܳܕ݂ ܠܳܐ ܡܶܛܽܠ ܪܽܘܓ݂ܙܳܐ ܒ݁ܳܠܚܽܘܕ݂ ܐܶܠܳܐ ܐܳܦ݂ ܡܶܛܽܠ ܬ݁ܺܐܪܬ݁ܳܢ

PESHITTA

ܡܶܛܽܠ ܗܳܢܳܐ ܐܳܦ݂ ܟ݁ܣܶܦ݂ ܪܺܫܳܐ ܝܳܗܒ݁ܺܝܢ ܐܢܬ݁ܽܘܢ ܡܫܳܡܫܳܢܶܐ ܐܶܢܽܘܢ ܓ݁ܶܝܪ ܕ݁ܳܐܠܳܗܳܐ ܕ݁ܳܥܠܳܝܗܶܝܢ ܕ݁ܗܳܠܶܝܢ ܩܳܝܡܺܝܢ

PESHITTA

ܦ݁ܪܽܘܥܘ ܗܳܟ݂ܺܝܠ ܠܟ݂ܽܠܢܳܫ ܐܳܝܟ݂ ܕ݁ܡܶܬ݁ܚܺܝܒ݂ ܠܶܗ ܠܡܳܢ ܕ݁ܳܟ݂ܣܶܦ݂ ܪܺܫܳܐ ܟ݁ܣܶܦ݂ ܪܺܫܳܐ ܘܳܠܡܳܢ ܕ݁ܡܳܟ݂ܣܳܐ ܡܳܟ݂ܣܳܐ ܘܳܠܡܳܢ ܕ݁ܕ݂ܶܚܠܬ݂ܳܐ ܕ݁ܶܚܠܬ݂ܳܐ ܘܳܠܡܳܢ ܕ݁ܺܐܝܩܳܪܳܐ ܐܺܝܩܳܪܳܐ

PESHITTA

ܘܳܠܐܢܳܫ ܡܶܕ݁ܶܡ ܠܳܐ ܬ݁ܚܽܘܒ݂ܽܘܢ ܐܶܠܳܐ ܚܳܕ݂ ܠܚܳܕ݂ ܠܡܳܚܳܒ݂ܽܘ ܡܳܢ ܕ݁ܡܳܚܶܒ݂ ܓ݁ܶܝܪ ܚܳܒ݂ܪܶܗ ܢܳܡܽܘܣܳܐ ܡܳܠܺܝ

PESHITTA

ܘܳܐܦ݂ ܗܳܝ ܓ݁ܶܝܪ ܕ݁ܶܐܡܳܪ ܕ݁ܠܳܐ ܬ݁ܓ݂ܽܘܪ ܘܠܳܐ ܬ݁ܶܩܛܽܘܠ ܘܠܳܐ ܬ݁ܶܓ݂ܢܽܘܒ݂ ܘܠܳܐ ܬ݁ܶܪܳܓ݂ ܘܶܐܢ ܐܺܝܬ݂ ܦ݁ܽܘܩܕ݁ܳܢܳܐ ܐܚܪܺܢܳܐ ܒ݁ܗܳܕ݂ܶܐ ܡܶܠܬ݂ܳܐ ܡܶܫܬ݁ܳܠܳܡ ܕ݁ܬ݂ܶܪܚܳܡ ܠܩܳܪܺܝܒ݂ܳܟ݂ ܐܳܝܟ݂ ܢܳܦ݂ܫܳܟ݂

PESHITTA

ܚܽܘܒ݁ܳܐ ܠܩܳܪܺܝܒ݂ܶܗ ܒ݁ܺܝܫܬ݁ܳܐ ܠܳܐ ܣܳܥܳܪ ܡܶܛܽܠ ܕ݁ܚܽܘܒ݁ܳܐ ܡܽܘܠܳܝܶܗ ܗܽܘ ܕ݁ܢܳܡܽܘܣܳܐ

PESHITTA

ܘܳܐܦ݂ ܗܳܕ݂ܶܐ ܕ݁ܳܥܘ ܕ݁ܙܳܒ݂ܢܳܐ ܗܽܘ ܘܫܳܥܬ݂ܳܐ ܗܝ ܡܶܟ݁ܺܝܠ ܕ݁ܢܶܬ݁ܥܺܝܪ ܡܶܢ ܫܶܢܬ݂ܳܢ ܗܳܫܳܐ ܗܽܘ ܓ݁ܶܝܪ ܐܶܬ݂ܩܳܪܳܒ݂ܘ ܠܳܢ ܚܳܝܳܝܢ ܝܳܬ݁ܺܝܪ ܡܶܢ ܕ݁ܟ݂ܳܕ݂ ܗܳܝܡܶܢܢ

PESHITTA

ܠܺܠܝܳܐ ܡܶܟ݁ܺܝܠ ܥܒ݂ܳܪ ܘܺܐܝܡܳܡܳܐ ܩܪܶܒ݂ ܢܢܺܝܚ ܡܶܢܳܢ ܗܳܟ݂ܺܝܠ ܥܒ݂ܳܕ݂ܶܐ ܕ݁ܚܶܫܽܘܟ݂ܳܐ ܘܢܶܠܒ݁ܳܫ ܙܳܝܢܶܗ ܕ݁ܢܽܘܗܪܳܐ

Op De Naamdragers

Blogs over Jakobus 13

Nog geen artikelen die specifiek naar Jakobus 13 verwijzen. Zoek toch op de hoofdsite →