Ga naar inhoud
BRIEVEN

Jakobus 11

Ἰακώβου
Hoofdstukken (16)← → toetsen
12345678910111213141516
Getuigen
Interlineair
Tekstgrootte
Diff
1
PESHITTA
ܐܶܠܳܐ ܐܳܡܳܪ ܐܢܳܐ ܕ݁ܳܠܡܳܐ ܕ݁ܳܚܩܶܗ ܐܳܠܳܗܳܐ ܠܥܳܡܶܗ ܚܳܣ ܐܳܦ݂ ܐܶܢܳܐ ܓ݁ܶܝܪ ܡܶܢ ܐܺܝܣܪܳܝܶܠ ܐܢܳܐ ܡܶܢ ܙܳܪܥܶܗ ܕ݁ܳܐܒ݂ܪܳܗܳܡ ܡܶܢ ܫܳܪܒ݁ܬ݂ܳܐ ܕ݁ܒ݂ܶܢܝܳܡܺܝܢ
2
PESHITTA
ܠܳܐ ܕ݁ܚܳܩ ܐܳܠܳܗܳܐ ܠܥܳܡܶܗ ܐܳܝܢܳܐ ܕ݁ܡܶܢ ܩܕ݂ܺܝܡ ܝܺܕ݂ܺܝܥ ܗܘܳܐ ܠܶܗ ܐܳܘ ܠܳܐ ܝܳܕ݂ܥܺܝܢ ܐܢܬ݁ܽܘܢ ܒ݁ܳܟ݂ܬ݂ܳܒ݂ܳܐ ܕ݁ܶܐܠܺܝܳܐ ܡܳܢܳܐ ܐܶܡܳܪ ܟ݁ܳܕ݂ ܩܳܒ݂ܶܠ ܗܘܳܐ ܠܳܐܠܳܗܳܐ ܥܳܠ ܐܺܝܣܪܳܝܶܠ ܘܳܐܡܳܪ
3
PESHITTA
ܡܳܪܝ ܠܳܢܒ݂ܺܝܳܝܟ݁ ܩܳܛܶܠܘ ܘܳܠܡܳܕ݂ܒ݁ܚܳܝܟ݁ ܣܳܚܶܦ݂ܘ ܘܶܐܢܳܐ ܗܽܘ ܒ݁ܳܠܚܽܘܕ݂ܳܝ ܐܶܫܬ݁ܳܚܪܶܬ݂ ܘܒ݂ܳܥܶܝܢ ܠܢܳܦ݂ܫܝ
4
PESHITTA
ܘܶܐܬ݂ܶܐܡܳܪ ܠܶܗ ܒ݁ܓ݂ܶܠܝܳܢܳܐ ܕ݁ܗܳܐ ܫܶܒ݂ܩܶܬ݂ ܠܢܳܦ݂ܫܝ ܫܳܒ݂ܥܳܐ ܐܳܠܦ݂ܺܝܢ ܓ݁ܳܒ݂ܪܺܝܢ ܐܳܝܠܶܝܢ ܕ݁ܥܳܠ ܒ݁ܽܘܪܟ݁ܳܝܗܽܘܢ ܠܳܐ ܒ݁ܪܶܟ݂ܘ ܘܠܳܐ ܣܓ݂ܶܕ݂ܘ ܠܒ݂ܳܥܠܳܐ
5
PESHITTA
ܗܳܟ݂ܳܢܳܐ ܐܳܦ݂ ܒ݁ܗܳܢܳܐ ܙܳܒ݂ܢܳܐ ܫܳܪܟ݁ܳܢܳܐ ܗܽܘ ܐܶܫܬ݁ܚܳܪ ܒ݁ܳܓ݂ܒ݂ܺܝܬ݂ܳܐ ܕ݁ܛܳܝܒ݁ܽܘܬ݂ܳܐ
6
PESHITTA
ܐܶܢ ܕ݁ܶܝܢ ܒ݁ܛܳܝܒ݁ܽܘܬ݂ܳܐ ܠܳܐ ܗܘܳܐ ܡܶܢ ܥܒ݂ܳܕ݂ܶܐ ܘܶܐܢ ܠܳܐ ܛܳܝܒ݁ܽܘܬ݂ܳܐ ܠܳܐ ܐܺܝܬ݂ܶܝܗ ܛܳܝܒ݁ܽܘܬ݂ܳܐ ܐܶܢ ܕ݁ܶܝܢ ܒ݁ܳܥܒ݂ܳܕ݂ܶܐ ܠܳܐ ܗܘܳܐ ܡܶܢ ܛܳܝܒ݁ܽܘܬ݂ܳܐ ܘܶܐܢ ܠܳܐ ܥܒ݂ܳܕ݂ܳܐ ܠܳܐ ܐܺܝܬ݂ܳܘܗܝ ܥܒ݂ܳܕ݂ܳܐ
7
PESHITTA
ܡܳܢܳܐ ܗܳܟ݂ܺܝܠ ܗܳܝ ܕ݁ܒ݂ܳܥܶܐ ܗܘܳܐ ܐܺܝܣܪܳܝܶܠ ܠܳܐ ܐܶܫܟ݁ܳܚ ܓ݁ܒ݂ܺܝܬ݂ܳܐ ܕ݁ܶܝܢ ܐܶܫܟ݁ܚܳܬ݂ ܫܳܪܟ݁ܗܽܘܢ ܕ݁ܶܝܢ ܐܶܬ݂ܥܳܘܳܪܘ ܒ݁ܠܶܒ݁ܗܽܘܢ
8
PESHITTA
ܐܳܝܟ݁ܳܢܳܐ ܕ݁ܳܟ݂ܬ݂ܺܝܒ݂ ܕ݁ܝܳܗܒ݂ ܠܗܽܘܢ ܐܳܠܳܗܳܐ ܪܽܘܚܳܐ ܡܕ݂ܳܥܪܳܢܺܝܬ݂ܳܐ ܘܥܳܝܢܶܐ ܕ݁ܠܳܐ ܢܶܒ݂ܚܪܽܘܢ ܒ݁ܗܶܝܢ ܘܶܐܕ݂ܢܶܐ ܕ݁ܠܳܐ ܢܶܫܡܥܽܘܢ ܥܕ݂ܳܡܳܐ ܠܝܳܘܡܳܐ ܕ݁ܝܳܘܡܳܢܳܐ
9
PESHITTA
ܘܕ݂ܳܘܺܝܕ݂ ܬ݁ܽܘܒ݂ ܐܶܡܳܪ ܢܶܗܘܶܐ ܦ݁ܳܬ݂ܽܘܪܗܽܘܢ ܩܕ݂ܳܡܳܝܗܽܘܢ ܠܦ݂ܳܚܳܐ ܘܦ݂ܽܘܪܥܳܢܗܽܘܢ ܠܬ݂ܽܘܩܳܠܬ݂ܳܐ
10
PESHITTA
ܢܶܚܫܟ݂ܳܢ ܥܳܝܢܳܝܗܽܘܢ ܕ݁ܠܳܐ ܢܶܚܙܽܘܢ ܘܚܳܗܽܘܢ ܒ݁ܟ݂ܽܠܙܒ݂ܳܢ ܢܶܗܘܶܐ ܟ݁ܦ݂ܺܝܦ݂
11
PESHITTA
ܐܳܡܳܪ ܐܢܳܐ ܕ݁ܶܝܢ ܕ݁ܳܠܡܳܐ ܐܶܬ݁ܬ݁ܩܶܠܘ ܐܳܝܟ݂ ܕ݁ܢܶܦ݁ܠܽܘܢ ܚܳܣ ܐܶܠܳܐ ܒ݁ܬ݂ܽܘܩܠܳܬ݂ܗܽܘܢ ܕ݁ܺܝܠܗܽܘܢ ܗܘܳܘ ܚܳܝܶܐ ܠܥܳܡܡܶܐ ܠܳܛܢܳܢܗܽܘܢ
12
PESHITTA
ܘܶܐܢ ܬ݁ܽܘܩܠܳܬ݂ܗܽܘܢ ܗܘܳܬ݂ ܥܽܘܬ݂ܪܳܐ ܠܥܳܠܡܳܐ ܘܚܳܝܳܒ݂ܽܘܬ݂ܗܽܘܢ ܥܽܘܬ݂ܪܳܐ ܠܥܳܡܡܶܐ ܟ݁ܡܳܐ ܗܳܟ݂ܺܝܠ ܫܽܘܡܠܳܝܗܽܘܢ
Op De Naamdragers

Blogs over Jakobus 11

Nog geen artikelen die specifiek naar Jakobus 11 verwijzen. Zoek toch op de hoofdsite →