PESHITTA
ܠܳܐܝܢܳܐ ܕ݁ܶܝܢ ܕ݁ܳܟ݂ܪܺܝܗ ܒ݁ܗܳܝܡܳܢܽܘܬ݂ܳܐ ܗܳܒ݂ܘ ܠܶܗ ܐܺܝܕ݂ܳܐ ܘܠܳܐ ܬ݁ܶܗܘܽܘܢ ܡܶܬ݂ܦ݁ܳܠܓ݂ܺܝܢ ܒ݁ܡܳܚܫܒ݂ܳܬ݂ܟ݂ܽܘܢ
BRIEVEN
Jakobus 14
Ἰακώβου
Hoofdstukken (16)← → toetsen
Getuigen
Interlineair
Tekstgrootte
Diff
PESHITTA
ܐܺܝܬ݂ ܓ݁ܶܝܪ ܕ݁ܳܡܗܳܝܡܶܢ ܕ݁ܟ݂ܽܠܡܶܕ݁ܶܡ ܢܶܐܟ݂ܽܘܠ ܘܕ݂ܳܟ݂ܪܺܝܗ ܝܳܪܩܳܐ ܗܽܘ ܐܳܟ݂ܶܠ
PESHITTA
ܗܳܘ ܕ݁ܶܝܢ ܕ݁ܳܐܟ݂ܶܠ ܠܗܳܘ ܡܳܢ ܕ݁ܠܳܐ ܐܳܟ݂ܶܠ ܠܳܐ ܢܫܽܘܛ ܘܗܳܘ ܡܳܢ ܕ݁ܠܳܐ ܐܳܟ݂ܶܠ ܠܗܳܘ ܡܳܢ ܕ݁ܳܐܟ݂ܶܠ ܠܳܐ ܢܕ݂ܽܘܢ ܐܳܠܳܗܳܐ ܓ݁ܶܝܪ ܩܳܪܒ݂ܶܗ
PESHITTA
ܐܳܢܬ݁ ܡܳܢ ܐܳܢܬ݁ ܕ݁ܕ݂ܳܐܶܢ ܐܳܢܬ݁ ܠܥܳܒ݂ܕ݁ܳܐ ܕ݁ܠܳܐ ܕ݁ܺܝܠܳܟ݂ ܕ݁ܶܐܢ ܩܳܐܶܡ ܠܡܳܪܶܗ ܩܳܐܶܡ ܘܶܐܢ ܢܳܦ݂ܶܠ ܠܡܳܪܶܗ ܢܳܦ݂ܶܠ ܡܩܳܡ ܗܽܘ ܕ݁ܶܝܢ ܩܳܐܶܡ ܡܳܛܶܐ ܓ݁ܶܝܪ ܒ݁ܺܐܝܕ݂ܳܝ ܡܳܪܶܗ ܕ݁ܳܢܩܺܝܡܺܝܘܗܝ
PESHITTA
ܐܺܝܬ݂ ܕ݁ܕ݂ܳܐܶܢ ܝܳܘܡܳܐ ܡܶܢ ܝܳܘܡܳܐ ܘܺܐܝܬ݂ ܕ݁ܕ݂ܳܐܶܢ ܟ݁ܽܠܗܽܘܢ ܝܳܘܡܳܬ݂ܳܐ ܟ݁ܽܠܢܳܫ ܕ݁ܶܝܢ ܒ݁ܡܳܕ݁ܥܳܐ ܕ݁ܢܳܦ݂ܫܶܗ ܢܶܫܬ݁ܳܪܳܪ
PESHITTA
ܡܳܢ ܕ݁ܡܶܬ݂ܪܳܥܶܐ ܕ݁ܝܳܘܡܳܐ ܠܡܳܪܶܗ ܡܶܬ݂ܪܳܥܶܐ ܘܟ݂ܽܠ ܕ݁ܠܳܐ ܡܶܬ݂ܪܳܥܶܐ ܕ݁ܝܳܘܡܳܐ ܠܡܳܪܶܗ ܠܳܐ ܡܶܬ݂ܪܳܥܶܐ ܘܕ݂ܳܐܟ݂ܶܠ ܠܡܳܪܶܗ ܐܳܟ݂ܶܠ ܘܠܳܐܠܳܗܳܐ ܡܳܘܕ݁ܶܐ ܘܳܕ݂ܠܳܐ ܐܳܟ݂ܶܠ ܠܡܳܪܶܗ ܠܳܐ ܐܳܟ݂ܶܠ ܘܡܳܘܕ݁ܶܐ ܠܳܐܠܳܗܳܐ
PESHITTA
ܠܳܝܬ݁ ܓ݁ܶܝܪ ܐܢܳܫ ܡܶܢܳܢ ܕ݁ܳܠܢܳܦ݂ܫܶܗ ܚܳܝ ܘܠܳܝܬ݁ ܐܢܳܫ ܕ݁ܳܠܢܳܦ݂ܫܶܗ ܡܳܐܶܬ݂
PESHITTA
ܡܶܛܽܠ ܕ݁ܶܐܢ ܚܳܐܶܝܢܳܢ ܠܡܳܪܳܢ ܚܳܐܶܝܢܳܢ ܘܶܐܢ ܡܳܝܬ݁ܺܝܢܳܢ ܠܡܳܪܳܢ ܗܽܘ ܡܳܝܬ݁ܺܝܢܳܢ ܘܶܐܢ ܚܳܝܺܝܢܳܢ ܗܳܟ݂ܺܝܠ ܘܶܐܢ ܡܳܝܬ݁ܺܝܢܳܢ ܕ݁ܡܳܪܳܢ ܚܢܳܢ
PESHITTA
ܡܶܛܽܠ ܗܳܢܳܐ ܐܳܦ݂ ܡܫܺܝܚܳܐ ܡܺܝܬ݂ ܘܳܚܝܳܐ ܘܩܳܡ ܕ݁ܗܽܘ ܢܶܗܘܶܐ ܡܳܪܝܳܐ ܠܡܺܝܬ݂ܶܐ ܘܳܠܚܳܝܶܐ
PESHITTA
ܐܳܢܬ݁ ܕ݁ܶܝܢ ܡܳܢܳܐ ܕ݁ܳܐܶܢ ܐܳܢܬ݁ ܠܳܐܚܽܘܟ݂ ܐܳܘ ܐܳܦ݂ ܐܳܢܬ݁ ܠܡܳܢܳܐ ܫܳܐܶܛ ܐܳܢܬ݁ ܠܳܐܚܽܘܟ݂ ܟ݁ܽܠܳܢ ܓ݁ܶܝܪ ܥܬ݂ܺܝܕ݂ܺܝܢܳܢ ܠܳܡܩܳܡ ܩܕ݂ܳܡ ܒ݁ܺܝܡ ܕ݁ܳܡܫܺܝܚܳܐ
PESHITTA
ܐܳܝܟ݂ ܕ݁ܳܟ݂ܬ݂ܺܝܒ݂ ܕ݁ܚܳܝ ܐܢܳܐ ܐܳܡܳܪ ܡܳܪܝܳܐ ܕ݁ܠܺܝ ܬ݁ܶܟ݁ܽܘܦ݂ ܟ݁ܽܠ ܒ݁ܪܽܘܟ݂ ܘܠܺܝ ܢܳܘܕ݁ܶܐ ܟ݁ܽܠ ܠܶܫܳܢ
PESHITTA
ܡܳܕ݂ܶܝܢ ܟ݁ܽܠ ܐܢܳܫ ܡܶܢܳܢ ܦ݁ܶܬ݂ܓ݂ܳܡܳܐ ܚܠܳܦ݂ ܢܳܦ݂ܫܶܗ ܝܳܗܶܒ݂ ܠܳܐܠܳܗܳܐ
Blogs over Jakobus 14
Nog geen artikelen die specifiek naar Jakobus 14 verwijzen. Zoek toch op de hoofdsite →