PESHITTA
ܡܶܟ݁ܺܝܠ ܠܳܝܬ݁ ܚܳܝܳܒ݂ܽܘܬ݂ܳܐ ܠܳܐܝܠܶܝܢ ܕ݁ܠܳܐ ܡܗܳܠܟ݂ܺܝܢ ܒ݁ܳܒ݂ܣܳܪ ܒ݁ܝܶܫܽܘܥ ܡܫܺܝܚܳܐ
BRIEVEN
Jakobus 8
Ἰακώβου
Hoofdstukken (16)← → toetsen
Getuigen
Interlineair
Tekstgrootte
Diff
PESHITTA
ܢܳܡܽܘܣܳܐ ܓ݁ܶܝܪ ܕ݁ܪܽܘܚܳܐ ܕ݁ܚܳܝܶܐ ܕ݁ܳܒ݂ܝܶܫܽܘܥ ܡܫܺܝܚܳܐ ܚܳܪܪܳܟ݂ ܡܶܢ ܢܳܡܽܘܣܳܐ ܕ݁ܳܚܛܺܝܬ݂ܳܐ ܘܳܕ݂ܡܳܘܬ݁ܳܐ
PESHITTA
ܡܶܛܽܠ ܕ݁ܳܡܚܺܝܠ ܗܘܳܐ ܓ݁ܶܝܪ ܢܳܡܽܘܣܳܐ ܒ݁ܝܳܕ݂ ܟ݁ܪܺܝܗܽܘܬ݂ܶܗ ܕ݁ܒ݂ܶܣܪܳܐ ܫܳܕ݁ܳܪ ܐܳܠܳܗܳܐ ܠܳܒ݂ܪܶܗ ܒ݁ܳܕ݂ܡܽܘܬ݂ܳܐ ܕ݁ܒ݂ܶܣܪܳܐ ܕ݁ܳܚܛܺܝܬ݂ܳܐ ܡܶܛܽܠܳܬ݂ܳܗ ܕ݁ܳܚܛܺܝܬ݂ܳܐ ܕ݁ܳܢܚܳܝܒ݂ܺܝܗ ܠܳܚܛܺܝܬ݂ܳܐ ܒ݁ܒ݂ܶܣܪܶܗ
PESHITTA
ܕ݁ܟ݂ܺܐܢܽܘܬ݂ܳܐ ܕ݁ܢܳܡܽܘܣܳܐ ܒ݁ܳܢ ܬ݁ܶܬ݂ܡܳܠܶܐ ܕ݁ܠܳܐ ܗܘܳܐ ܒ݁ܳܒ݂ܣܳܪ ܡܗܳܠܟ݂ܺܝܢܳܢ ܐܶܠܳܐ ܒ݁ܪܽܘܚ
PESHITTA
ܐܳܝܠܶܝܢ ܓ݁ܶܝܪ ܕ݁ܒ݂ܳܒ݂ܣܳܪ ܐܶܢܽܘܢ ܕ݁ܳܒ݂ܣܳܪ ܗܽܘ ܡܶܬ݂ܪܳܥܶܝܢ ܘܳܐܝܠܶܝܢ ܕ݁ܳܕ݂ܪܽܘܚ ܐܶܢܽܘܢ ܕ݁ܪܽܘܚ ܗܽܘ ܡܶܬ݂ܪܳܥܶܝܢ
PESHITTA
ܬ݁ܳܪܥܺܝܬ݂ܳܐ ܓ݁ܶܝܪ ܕ݁ܒ݂ܶܣܪܳܐ ܡܳܘܬ݁ܳܐ ܗܽܘ ܘܬ݂ܳܪܥܺܝܬ݂ܳܐ ܕ݁ܪܽܘܚܳܐ ܚܳܝܶܐ ܘܳܫܠܳܡܳܐ
PESHITTA
ܡܶܛܽܠ ܕ݁ܬ݂ܳܪܥܺܝܬ݂ܳܐ ܕ݁ܒ݂ܶܣܪܳܐ ܒ݁ܥܶܠܕ݁ܒ݂ܳܒ݂ܽܘܬ݂ܳܐ ܗܝ ܠܘܳܬ݂ ܐܳܠܳܗܳܐ ܠܢܳܡܽܘܣܳܐ ܓ݁ܶܝܪ ܕ݁ܳܐܠܳܗܳܐ ܠܳܐ ܡܶܫܬ݁ܳܥܒ݁ܕ݂ܳܐ ܡܶܛܽܠ ܕ݁ܠܳܐ ܡܶܫܟ݁ܚܳܐ
PESHITTA
ܘܳܐܝܠܶܝܢ ܕ݁ܒ݂ܳܒ݂ܣܳܪ ܐܶܢܽܘܢ ܠܡܶܫܦ݁ܳܪ ܠܳܐܠܳܗܳܐ ܠܳܐ ܡܶܫܟ݁ܚܺܝܢ
PESHITTA
ܐܳܢܬ݁ܽܘܢ ܕ݁ܶܝܢ ܠܳܐ ܗܘܳܝܬ݁ܽܘܢ ܒ݁ܳܒ݂ܣܳܪ ܐܶܠܳܐ ܒ݁ܪܽܘܚ ܐܶܢ ܫܳܪܺܝܪܳܐܝܺܬ݂ ܪܽܘܚܶܗ ܕ݁ܳܐܠܳܗܳܐ ܥܳܡܪܳܐ ܒ݁ܟ݂ܽܘܢ ܐܶܢ ܕ݁ܶܝܢ ܐܢܳܫ ܠܳܝܬ݁ ܒ݁ܶܗ ܪܽܘܚܶܗ ܕ݁ܳܡܫܺܝܚܳܐ ܗܳܢܳܐ ܠܳܐ ܗܘܳܐ ܕ݁ܺܝܠܶܗ
PESHITTA
ܘܶܐܢ ܕ݁ܶܝܢ ܡܫܺܝܚܳܐ ܒ݁ܟ݂ܽܘܢ ܦ݁ܳܓ݂ܪܳܐ ܡܺܝܬ݂ ܗܽܘ ܡܶܛܽܠ ܚܛܺܝܬ݂ܳܐ ܪܽܘܚܳܐ ܕ݁ܶܝܢ ܚܳܝܳܐ ܗܝ ܡܶܛܽܠ ܟ݁ܺܐܢܽܘܬ݂ܳܐ
PESHITTA
ܘܶܐܢ ܪܽܘܚܶܗ ܕ݁ܗܳܘ ܡܳܢ ܕ݁ܳܐܩܺܝܡ ܠܡܳܪܳܢ ܝܶܫܽܘܥ ܡܫܺܝܚܳܐ ܡܶܢ ܒ݁ܶܝܬ݂ ܡܺܝܬ݂ܶܐ ܥܳܡܪܳܐ ܒ݁ܟ݂ܽܘܢ ܗܳܘ ܡܳܢ ܕ݁ܳܐܩܺܝܡܶܗ ܠܝܶܫܽܘܥ ܡܫܺܝܚܳܐ ܡܶܢ ܒ݁ܶܝܬ݂ ܡܺܝܬ݂ܶܐ ܐܳܦ݂ ܠܦ݂ܳܓ݂ܪܳܝܟ݁ܽܘܢ ܡܺܝܬ݂ܶܐ ܢܳܚܶܐ ܡܶܛܽܠ ܪܽܘܚܶܗ ܕ݁ܥܳܡܪܳܐ ܒ݁ܟ݂ܽܘܢ
PESHITTA
ܗܳܫܳܐ ܐܳܚܳܝ ܚܳܝܳܒ݂ܺܝܢܳܢ ܠܳܘ ܠܒ݂ܶܣܪܳܐ ܕ݁ܒ݂ܳܒ݂ܣܳܪ ܢܗܳܠܶܟ݂
Blogs over Jakobus 8
Nog geen artikelen die specifiek naar Jakobus 8 verwijzen. Zoek toch op de hoofdsite →