BRIEVEN

1 Petrus 8

Πέτρου Αʹ

Hoofdstukken (16)← → toetsen

1 2 3 4 5 6 7 8 9 10 11 12 13 14 15 16

Getuigen

Interlineair

Tekstgrootte

Diff

PESHITTA

ܥܳܠ ܕ݁ܶܒ݂ܚܶܐ ܕ݁ܶܝܢ ܕ݁ܳܦ݂ܬ݂ܳܟ݂ܪܶܐ ܝܳܕ݂ܥܺܝܢܳܢ ܕ݁ܳܒ݂ܟ݂ܽܠܳܢ ܐܺܝܬ݂ ܝܺܕ݂ܳܥܬ݂ܳܐ ܘܺܝܕ݂ܳܥܬ݂ܳܐ ܡܳܚܬ݁ܪܳܐ ܚܽܘܒ݁ܳܐ ܕ݁ܶܝܢ ܒ݁ܳܢܶܐ

PESHITTA

ܐܶܢ ܐܢܳܫ ܕ݁ܶܝܢ ܣܳܒ݂ܳܪ ܕ݁ܝܳܕ݂ܳܥ ܡܶܕ݁ܶܡ ܠܳܐ ܥܕ݂ܳܟ݁ܺܝܠ ܡܶܕ݁ܶܡ ܝܺܕ݂ܳܥ ܐܳܝܟ݂ ܡܳܐ ܕ݁ܘܳܠܶܐ ܠܶܗ ܠܡܶܕ݁ܳܥ

PESHITTA

ܐܶܢ ܐܢܳܫ ܕ݁ܶܝܢ ܡܳܚܶܒ݂ ܠܳܐܠܳܗܳܐ ܗܳܢܳܐ ܐܶܬ݂ܺܝܕ݂ܳܥ ܡܶܢܶܗ

PESHITTA

ܥܳܠ ܡܶܐܟ݂ܽܘܠܬ݁ܳܐ ܗܳܟ݂ܺܝܠ ܕ݁ܕ݂ܶܒ݂ܚܶܐ ܕ݁ܳܦ݂ܬ݂ܳܟ݂ܪܶܐ ܝܳܕ݂ܥܺܝܢܳܢ ܕ݁ܠܳܐ ܗܘܳܐ ܡܶܕ݁ܶܡ ܗܽܘ ܦ݁ܬ݂ܳܟ݂ܪܳܐ ܒ݁ܥܳܠܡܳܐ ܘܳܕ݂ܠܳܝܬ݁ ܐܳܠܳܗ ܐܚܪܺܝܢ ܐܶܠܳܐ ܐܶܢ ܚܳܕ݂

PESHITTA

ܐܳܦ݂ܶܢ ܓ݁ܶܝܪ ܐܺܝܬ݂ ܕ݁ܡܶܬ݂ܩܪܶܝܢ ܐܳܠܳܗܶܐ ܐܳܘ ܒ݁ܳܫܡܳܝܳܐ ܐܳܘ ܒ݁ܳܐܪܥܳܐ ܐܳܝܟ݁ܳܢܳܐ ܕ݁ܺܐܝܬ݂ ܐܳܠܳܗܶܐ ܣܳܓ݁ܺܝܶܐܐ ܘܡܳܪܳܘܳܬ݂ܳܐ ܣܳܓ݁ܺܝܶܐܐ

PESHITTA

ܐܶܠܳܐ ܠܳܢ ܕ݁ܺܝܠܳܢ ܚܳܕ݂ ܗܽܘ ܐܳܠܳܗܳܐ ܐܳܒ݂ܳܐ ܕ݁ܟ݂ܽܠ ܡܶܢܶܗ ܘܳܚܢܳܢ ܒ݁ܶܗ ܘܚܳܕ݂ ܡܳܪܝܳܐ ܝܶܫܽܘܥ ܡܫܺܝܚܳܐ ܕ݁ܟ݂ܽܠ ܒ݁ܺܐܝܕ݂ܶܗ ܘܳܐܦ݂ ܚܢܳܢ ܒ݁ܺܐܝܕ݂ܶܗ

PESHITTA

ܐܶܠܳܐ ܠܳܐ ܗܘܳܐ ܒ݁ܟ݂ܽܠܢܳܫ ܝܺܕ݂ܳܥܬ݂ܳܐ ܐܺܝܬ݂ ܓ݁ܶܝܪ ܐܢܳܫܳܐ ܕ݁ܳܒ݂ܬ݂ܺܐܪܬ݁ܗܽܘܢ ܥܕ݂ܳܡܳܐ ܠܗܳܫܳܐ ܕ݁ܥܳܠ ܦ݁ܬ݂ܳܟ݂ܪܶܐ ܐܳܝܟ݂ ܕ݁ܳܕ݂ܒ݂ܺܝܚܳܐ ܐܳܟ݂ܠܺܝܢ ܘܡܶܛܽܠ ܕ݁ܳܟ݂ܪܺܝܗܳܐ ܬ݁ܺܐܪܬ݁ܗܽܘܢ ܡܶܬ݁ܛܳܘܫܳܐ

PESHITTA

ܡܶܐܟ݂ܽܘܠܬ݁ܳܐ ܕ݁ܶܝܢ ܠܳܐ ܡܩܳܪܒ݂ܳܐ ܠܳܢ ܠܳܐܠܳܗܳܐ ܠܳܐ ܓ݁ܶܝܪ ܐܶܢ ܐܳܟ݂ܠܺܝܢܳܢ ܡܶܬ݂ܝܳܬ݁ܪܺܝܢܳܢ ܘܠܳܐ ܐܶܢ ܠܳܐ ܢܶܐܟ݂ܽܘܠ ܡܶܬ݂ܒ݁ܳܪܺܝܢܳܢ

PESHITTA

ܚܙܳܘ ܕ݁ܶܝܢ ܕ݁ܳܠܡܳܐ ܫܽܘܠܛܳܢܟ݂ܽܘܢ ܗܳܢܳܐ ܢܶܗܘܶܐ ܬ݁ܽܘܩܳܠܬ݁ܳܐ ܠܳܟ݂ܪܺܝܗܶܐ

PESHITTA

ܐܶܢ ܐܢܳܫ ܓ݁ܶܝܪ ܢܶܚܙܶܝܟ݂ ܠܳܟ݂ ܕ݁ܺܐܝܬ݂ ܒ݁ܳܟ݂ ܝܺܕ݂ܳܥܬ݂ܳܐ ܕ݁ܳܣܡܺܝܟ݂ ܐܳܢܬ݁ ܒ݁ܶܝܬ݂ ܦ݁ܬ݂ܳܟ݂ܪܶܐ ܠܳܐ ܗܳܐ ܬ݁ܺܐܪܬ݁ܶܗ ܡܶܛܽܠ ܕ݁ܳܟ݂ܪܺܝܗ ܗܽܘ ܡܶܫܬ݁ܳܪܪܳܐ ܠܡܶܐܟ݂ܳܠ ܕ݁ܳܕ݂ܒ݂ܺܝܚܳܐ

PESHITTA

ܘܳܐܒ݂ܶܕ݂ ܠܶܗ ܒ݁ܺܝܕ݂ܳܥܬ݂ܳܟ݂ ܕ݁ܺܝܠܳܟ݂ ܗܳܘ ܐܳܝܢܳܐ ܕ݁ܳܡܪܳܥ ܕ݁ܡܶܛܽܠܳܬ݂ܶܗ ܡܺܝܬ݂ ܡܫܺܝܚܳܐ

PESHITTA

ܘܶܐܢ ܗܳܟ݂ܳܢܳܐ ܡܳܣܟ݁ܠܺܝܢ ܐܢܬ݁ܽܘܢ ܒ݁ܳܐܚܳܝܟ݁ܽܘܢ ܘܳܡܩܳܦ݁ܚܺܝܢ ܐܢܬ݁ܽܘܢ ܬ݁ܺܐܪܳܬ݂ܗܽܘܢ ܡܳܪܥܳܬ݂ܳܐ ܒ݁ܳܡܫܺܝܚܳܐ ܗܽܘ ܡܳܣܟ݁ܠܺܝܢ ܐܢܬ݁ܽܘܢ

Op De Naamdragers

Blogs over 1 Petrus 8

Nog geen artikelen die specifiek naar 1 Petrus 8 verwijzen. Zoek toch op de hoofdsite →