Ga naar inhoud
BRIEVEN

1 Petrus 13

Πέτρου Αʹ
Hoofdstukken (16)← → toetsen
12345678910111213141516
Getuigen
Interlineair
Tekstgrootte
Diff
1
PESHITTA
ܐܶܢ ܒ݁ܟ݂ܽܠ ܠܶܫܳܢ ܕ݁ܳܒ݂ܢܳܝܢܳܫܳܐ ܐܶܡܳܠܶܠ ܘܒ݂ܳܕ݂ܡܳܠܳܐܟ݂ܶܐ ܘܚܽܘܒ݁ܳܐ ܠܳܐ ܢܶܗܘܶܐ ܒ݁ܺܝ ܗܘܺܝܬ݂ ܠܺܝ ܢܚܳܫܳܐ ܕ݁ܙܳܐܶܡ ܐܳܘ ܺܠܳܐ ܕ݁ܝܳܗܶܒ݂ ܩܳܠܳܐ
2
PESHITTA
ܘܶܐܢ ܬ݁ܶܗܘܶܐ ܒ݁ܺܝ ܢܒ݂ܺܝܽܘܬ݂ܳܐ ܘܶܐܕ݁ܳܥ ܐܪܳܙܶܐ ܟ݁ܽܠܗܽܘܢ ܘܟ݂ܽܠܳܗ ܝܺܕ݂ܳܥܬ݂ܳܐ ܘܶܐܢ ܬ݁ܶܗܘܶܐ ܒ݁ܺܝ ܟ݁ܽܠܳܗ ܗܳܝܡܳܢܽܘܬ݂ܳܐ ܐܳܝܟ݁ܳܢܳܐ ܕ݁ܛܽܘܪܳܐ ܐܶܫܳܢܶܐ ܘܚܽܘܒ݁ܳܐ ܠܳܝܬ݁ ܒ݁ܺܝ ܠܳܐ ܗܘܺܝܬ݂ ܡܶܕ݁ܶܡ
3
PESHITTA
ܘܶܐܢ ܐܳܘܟ݁ܶܠ ܟ݁ܽܠ ܕ݁ܺܐܝܬ݂ ܠܺܝ ܠܡܶܣܟ݁ܺܢܶܐ ܘܶܐܢ ܐܳܫܠܶܡ ܦ݁ܳܓ݂ܪܝ ܕ݁ܢܺܐܩܳܕ݂ ܘܚܽܘܒ݁ܳܐ ܠܳܐ ܢܶܗܘܶܐ ܒ݁ܺܝ ܡܶܕ݁ܶܡ ܠܳܐ ܝܳܬ݂ܳܪ ܐܢܳܐ
4
PESHITTA
ܚܽܘܒ݁ܳܐ ܢܳܓ݁ܺܝܪܳܐ ܗܝ ܪܽܘܚܶܗ ܘܒ݂ܳܣܺܝܡ ܚܽܘܒ݁ܳܐ ܠܳܐ ܚܳܣܶܡ ܚܽܘܒ݁ܳܐ ܠܳܐ ܡܶܫܬ݁ܓ݂ܶܫ ܘܠܳܐ ܡܶܬ݂ܚܬ݂ܳܪ
5
PESHITTA
ܘܠܳܐ ܣܳܥܳܪ ܕ݁ܒ݂ܶܗܬ݁ܬ݂ܳܐ ܘܠܳܐ ܒ݁ܳܥܶܐ ܕ݁ܺܝܠܶܗ ܘܠܳܐ ܡܶܬ݁ܬ݁ܦ݂ܺܝܪ ܘܠܳܐ ܡܶܬ݂ܪܳܥܶܐ ܕ݁ܒ݂ܺܝܫ
6
PESHITTA
ܠܳܐ ܚܳܕ݂ܶܐ ܒ݁ܥܳܘܠܳܐ ܐܶܠܳܐ ܚܳܕ݂ܶܐ ܒ݁ܩܽܘܫܬ݁ܳܐ
7
PESHITTA
ܟ݁ܽܠ ܡܶܕ݁ܶܡ ܡܣܳܝܒ݁ܳܪ ܟ݁ܽܠܡܶܕ݁ܶܡ ܡܗܳܝܡܶܢ ܟ݁ܽܠ ܡܣܳܒ݁ܳܪ ܟ݁ܽܠ ܣܳܒ݂ܶܠ
8
PESHITTA
ܚܽܘܒ݁ܳܐ ܡܶܡܬ݂ܽܘܡ ܠܳܐ ܢܳܦ݂ܶܠ ܢܒ݂ܺܝܳܘܳܬ݂ܳܐ ܓ݁ܶܝܪ ܢܶܬ݂ܒ݁ܳܛܠܳܢ ܘܠܶܫܳܢܶܐ ܢܶܫܬ݁ܳܬ݁ܩܽܘܢ ܘܺܝܕ݂ܳܥܬ݂ܳܐ ܬ݁ܶܬ݂ܒ݁ܳܛܳܠ
9
PESHITTA
ܩܳܠܺܝܠ ܗܽܘ ܓ݁ܶܝܪ ܡܶܢ ܣܳܓ݁ܺܝ ܝܳܕ݂ܥܺܝܢܳܢ ܘܩܳܠܺܝܠ ܡܶܢ ܣܳܓ݁ܺܝ ܡܶܬ݂ܢܳܒ݁ܶܝܢܳܢ
10
PESHITTA
ܐܶܡܳܬ݂ܝ ܕ݁ܶܝܢ ܕ݁ܬ݂ܺܐܬ݂ܶܐ ܓ݁ܡܺܝܪܽܘܬ݂ܳܐ ܗܳܝܕ݁ܶܝܢ ܢܶܬ݂ܒ݁ܳܛܳܠ ܗܳܘ ܡܶܕ݁ܶܡ ܕ݁ܩܳܠܺܝܠ ܗܘܳܐ
11
PESHITTA
ܟ݁ܳܕ݂ ܝܳܠܽܘܕ݂ܳܐ ܗܘܺܝܬ݂ ܐܳܝܟ݂ ܝܳܠܽܘܕ݂ܳܐ ܡܡܳܠܶܠ ܗܘܺܝܬ݂ ܘܳܐܝܟ݂ ܝܳܠܽܘܕ݂ܳܐ ܡܶܬ݂ܪܳܥܶܐ ܗܘܺܝܬ݂ ܘܳܐܝܟ݂ ܝܳܠܽܘܕ݂ܳܐ ܡܶܬ݂ܚܳܫܳܒ݂ ܗܘܺܝܬ݂ ܟ݁ܳܕ݂ ܗܘܺܝܬ݂ ܕ݁ܶܝܢ ܓ݁ܳܒ݂ܪܳܐ ܒ݁ܳܛܠܶܬ݂ ܗܳܠܶܝܢ ܕ݁ܛܳܠܝܽܘܬ݂ܳܐ
12
PESHITTA
ܗܳܫܳܐ ܐܳܝܟ݂ ܕ݁ܳܒ݂ܡܳܚܙܺܝܬ݂ܳܐ ܚܳܙܶܝܢܳܢ ܒ݁ܦ݂ܶܠܶܐܬ݂ܳܐ ܗܳܝܕ݁ܶܝܢ ܕ݁ܶܝܢ ܐܳܦ݁ܺܝܢ ܠܽܘܩܒ݂ܳܠ ܐܳܦ݁ܺܝܢ ܗܳܫܳܐ ܝܳܕ݂ܳܥ ܐܢܳܐ ܩܳܠܺܝܠ ܡܶܢ ܣܳܓ݁ܺܝ ܗܳܝܕ݁ܶܝܢ ܕ݁ܶܝܢ ܐܶܕ݁ܳܥ ܐܳܝܟ݂ ܡܳܐ ܕ݁ܶܐܬ݂ܝܳܕ݂ܥܶܬ݂
Op De Naamdragers

Blogs over 1 Petrus 13

Nog geen artikelen die specifiek naar 1 Petrus 13 verwijzen. Zoek toch op de hoofdsite →