BRIEVEN

2 Petrus 10

Πέτρου Βʹ

Hoofdstukken (13)← → toetsen

1 2 3 4 5 6 7 8 9 10 11 12 13

Getuigen

Interlineair

Tekstgrootte

Diff

PESHITTA

ܐܶܢܳܐ ܕ݁ܶܝܢ ܦ݁ܳܘܠܳܘܣ ܒ݁ܳܥܶܐ ܐܢܳܐ ܡܶܢܟ݂ܽܘܢ ܒ݁ܢܺܝܚܽܘܬ݂ܶܗ ܘܳܒ݂ܡܳܟ݁ܺܝܟ݂ܽܘܬ݂ܶܗ ܕ݁ܳܡܫܺܝܚܳܐ ܕ݁ܳܐܦ݂ܶܢ ܒ݁ܳܐܦ݁ܺܝܢ ܡܳܟ݁ܺܝܟ݂ ܐܢܳܐ ܠܘܳܬ݂ܟ݂ܽܘܢ ܐܶܠܳܐ ܟ݁ܳܕ݂ ܪܳܚܺܝܩ ܐܢܳܐ ܬ݁ܟ݂ܺܝܠ ܐܢܳܐ ܥܠܳܝܟ݁ܽܘܢ

PESHITTA

ܒ݁ܳܥܶܐ ܐܢܳܐ ܕ݁ܶܝܢ ܡܶܢܟ݂ܽܘܢ ܕ݁ܠܳܐ ܡܳܐ ܕ݁ܶܐܬ݂ܺܝܬ݂ ܐܶܬ݂ܶܐܠܶ ܒ݁ܬ݂ܽܘܟ݂ܠܳܢܳܐ ܕ݁ܺܐܝܬ݂ ܠܺܝ ܕ݁ܳܐܫܺܝܚ ܐܳܝܟ݂ ܕ݁ܡܶܬ݂ܪܳܥܶܐ ܐܢܳܐ ܥܳܠ ܐܢܳܫܳܐ ܐܳܝܠܶܝܢ ܕ݁ܚܳܫܒ݁ܺܝܢ ܠܳܢ ܕ݁ܳܐܝܟ݂ ܕ݁ܒ݂ܳܒ݂ܣܳܪ ܡܗܳܠܟ݂ܺܝܢܳܢ

PESHITTA

ܐܳܦ݂ܶܢ ܒ݁ܳܒ݂ܣܳܪ ܓ݁ܶܝܪ ܡܗܳܠܟ݂ܺܝܢ ܚܢܳܢ ܐܶܠܳܐ ܠܳܐ ܗܘܳܐ ܕ݁ܒ݂ܶܣܪܳܐ ܦ݁ܳܠܚܺܝܢܳܢ

PESHITTA

ܙܳܝܢܳܐ ܓ݁ܶܝܪ ܕ݁ܦ݂ܳܠܚܽܘܬ݂ܳܢ ܠܳܐ ܗܘܳܐ ܕ݁ܒ݂ܶܣܪܳܐ ܐܶܠܳܐ ܕ݁ܚܳܝܠܳܐ ܕ݁ܳܐܠܳܗܳܐ ܘܒ݂ܶܗ ܟ݁ܳܒ݂ܫܺܝܢܳܢ ܚܶܣܢܶܐ ܡܪܺܝܕ݂ܶܐ

PESHITTA

ܘܣܳܬ݂ܪܺܝܢܳܢ ܡܳܚܫܒ݂ܳܬ݂ܳܐ ܘܟ݂ܽܠ ܪܳܘܡܳܐ ܕ݁ܡܶܬ݁ܬ݁ܪܺܝܡ ܠܽܘܩܒ݂ܳܠ ܝܺܕ݂ܳܥܬ݂ܶܗ ܕ݁ܳܐܠܳܗܳܐ ܘܫܳܒ݂ܶܝܢܳܢ ܟ݁ܽܠ ܬ݁ܳܪܥܝܳܢ ܠܡܳܫܡܳܥܬ݂ܶܗ ܕ݁ܳܡܫܺܝܚܳܐ

PESHITTA

ܘܳܡܛܳܝܒ݂ܺܝܢܳܢ ܠܡܶܥܒ݁ܳܕ݂ ܬ݁ܒ݂ܳܥܬ݂ܳܐ ܡܶܢ ܐܳܝܠܶܝܢ ܕ݁ܠܳܐ ܡܶܫܬ݁ܳܡܥܺܝܢ ܡܳܐ ܕ݁ܶܐܬ݂ܡܳܠܝܳܬ݂ ܡܶܫܬ݁ܳܡܥܳܢܽܘܬ݂ܟ݂ܽܘܢ

PESHITTA

ܒ݁ܦ݁ܳܪܽܘܦ݁ܶܐ ܚܳܝܪܺܝܢ ܐܢܬ݁ܽܘܢ ܐܶܢ ܐܢܳܫ ܬ݁ܟ݂ܺܝܠ ܥܳܠ ܢܳܦ݂ܫܶܗ ܕ݁ܕ݂ܳܡܫܺܝܚܳܐ ܗܽܘ ܗܳܢܳܐ ܢܶܕ݁ܳܥ ܡܶܢ ܢܳܦ݂ܫܶܗ ܕ݁ܳܐܝܟ݂ ܕ݁ܗܽܘ ܕ݁ܳܡܫܺܝܚܳܐ ܗܳܟ݂ܳܢܳܐ ܐܳܦ݂ ܚܢܳܢ

PESHITTA

ܐܶܢ ܓ݁ܶܝܪ ܐܳܦ݂ ܡܶܕ݁ܶܡ ܝܳܬ݁ܺܝܪ ܐܶܫܬ݁ܳܒ݂ܗܳܪ ܥܳܠ ܫܽܘܠܛܳܢܳܐ ܕ݁ܝܳܗܒ݂ ܠܺܝ ܡܳܪܳܢ ܠܳܐ ܒ݁ܳܗܶܬ݂ ܐܢܳܐ ܡܶܛܽܠ ܕ݁ܳܠܒ݂ܶܢܝܳܢܳܐ ܗܽܘ ܕ݁ܺܝܠܟ݂ܽܘܢ ܝܳܗܒ݂ ܠܳܢ ܘܠܳܐ ܠܣܽܘܚܳܦ݂ܟ݂ܽܘܢ

PESHITTA

ܡܳܗܡܶܐ ܐܢܳܐ ܕ݁ܶܝܢ ܕ݁ܠܳܐ ܐܶܣܬ݁ܒ݂ܳܪ ܐܳܝܟ݂ ܗܳܘ ܕ݁ܳܡܕ݂ܳܚܳܠܽܘ ܡܕ݂ܳܚܶܠ ܐܢܳܐ ܠܟ݂ܽܘܢ ܒ݁ܶܐܓ݁ܪܳܬ݂ܝ

PESHITTA

ܡܶܛܽܠ ܕ݁ܺܐܝܬ݂ ܐܢܳܫܳܐ ܕ݁ܳܐܡܪܺܝܢ ܕ݁ܶܐܓ݁ܪܳܬ݂ܳܐ ܝܳܩܺܝܪܳܢ ܘܚܳܣܺܝܢܳܢ ܡܶܐܬ݂ܝܶܗ ܕ݁ܶܝܢ ܕ݁ܓ݂ܽܘܫܡܳܐ ܟ݁ܪܺܝܗ ܘܡܶܠܬ݂ܶܗ ܫܺܝܛܳܐ

PESHITTA

ܐܶܠܳܐ ܗܳܕ݂ܶܐ ܢܶܬ݂ܪܳܥܶܐ ܡܳܢ ܕ݁ܗܳܟ݂ܳܢܳܐ ܐܳܡܳܪ ܕ݁ܳܐܝܟ݁ܳܢܳܐ ܕ݁ܺܐܝܬ݂ܳܝܢ ܒ݁ܡܶܠܬ݂ܳܐ ܕ݁ܶܐܓ݁ܳܪܬ݁ܳܢ ܟ݁ܳܕ݂ ܪܳܚܺܝܩܺܝܢܳܢ ܗܳܟ݂ܳܢܳܐ ܐܺܝܬ݂ܳܝܢ ܐܳܦ݂ ܡܳܐ ܕ݁ܩܳܪܺܝܒ݂ܺܝܢܳܢ ܒ݁ܳܥܒ݂ܳܕ݂ܳܐ

PESHITTA

ܠܳܐ ܓ݁ܶܝܪ ܡܳܡܪܚܺܝܢܳܢ ܕ݁ܢܶܚܫܽܘܒ݂ ܐܳܘ ܕ݁ܳܢܦ݂ܳܚܶܡ ܢܳܦ݂ܫܳܢ ܥܳܡ ܗܳܢܽܘܢ ܕ݁ܳܡܫܳܒ݂ܗܪܺܝܢ ܢܳܦ݂ܫܗܽܘܢ ܐܶܠܳܐ ܡܶܛܽܠ ܕ݁ܗܶܢܽܘܢ ܒ݁ܗܽܘܢ ܠܗܽܘܢ ܡܦ݂ܳܚܡܺܝܢ ܠܳܐ ܡܶܣܬ݁ܳܟ݁ܠܺܝܢ

Op De Naamdragers

Blogs over 2 Petrus 10

Nog geen artikelen die specifiek naar 2 Petrus 10 verwijzen. Zoek toch op de hoofdsite →