PESHITTA
ܥܳܠ ܬ݁ܶܫܡܶܫܬ݁ܳܐ ܕ݁ܶܝܢ ܕ݁ܩܳܕ݁ܺܝܫܶܐ ܝܳܬ݁ܺܝܪܬ݁ܳܐ ܥܳܒ݂ܶܕ݂ ܐܢܳܐ ܐܶܢ ܟ݁ܳܬ݂ܶܒ݂ ܐܢܳܐ ܠܟ݂ܽܘܢ
BRIEVEN
2 Petrus 9
Πέτρου Βʹ
Hoofdstukken (13)← → toetsen
Getuigen
Interlineair
Tekstgrootte
Diff
PESHITTA
ܝܳܕ݂ܳܥ ܐܢܳܐ ܓ݁ܶܝܪ ܛܽܘܝܳܒ݂ܶܗ ܕ݁ܪܶܥܝܳܢܟ݂ܽܘܢ ܘܡܶܛܽܠ ܗܳܢܳܐ ܐܶܫܬ݁ܳܒ݂ܗܪܶܬ݂ ܒ݁ܟ݂ܽܘܢ ܠܡܳܩܶܕ݂ܳܘܢܳܝܶܐ ܕ݁ܳܐܟ݂ܳܐܺܝܳܐ ܥܬ݂ܺܝܕ݂ܳܐ ܗܝ ܡܶܢ ܐܶܫܬ݁ܩܳܕ݂ܝ ܘܳܛܢܳܢܳܐ ܕ݁ܺܝܠܟ݂ܽܘܢ ܠܣܳܓ݁ܺܝܶܐܐ ܓ݁ܳܪܶܓ݂
PESHITTA
ܫܳܕ݁ܪܶܬ݂ ܕ݁ܶܝܢ ܠܳܐܚܶܐ ܕ݁ܠܳܐ ܢܶܣܬ݁ܳܪܳܩ ܫܽܘܒ݂ܗܳܪܳܢ ܕ݁ܶܐܫܬ݁ܳܒ݂ܗܳܪܢ ܒ݁ܟ݂ܽܘܢ ܥܳܠ ܗܳܕ݂ܶܐ ܒ݂ܽܘܬ݂ܳܐ ܕ݁ܳܐܝܟ݁ܳܢܳܐ ܕ݁ܶܐܡܪܶܬ݂ ܬ݁ܶܗܘܽܘܢ ܡܛܳܝܒ݂ܺܝܢ
PESHITTA
ܕ݁ܳܠܡܳܐ ܢܺܐܬ݂ܽܘܢ ܥܳܡܝ ܡܳܩܶܕ݂ܳܘܢܳܝܶܐ ܘܢܶܫܟ݁ܚܽܘܢܳܟ݂ܽܘܢ ܟ݁ܳܕ݂ ܠܳܐ ܥܬ݂ܺܝܕ݂ܺܝܢ ܐܢܬ݁ܽܘܢ ܘܢܶܒ݂ܗܳܬ݂ ܚܢܳܢ ܕ݁ܠܳܐ ܢܺܐܡܳܪ ܕ݁ܳܐܢܬ݁ܽܘܢ ܬ݁ܶܒ݂ܗܬ݂ܽܘܢ ܒ݁ܫܽܘܒ݂ܗܳܪܳܐ ܗܳܘ ܕ݁ܶܐܫܬ݁ܳܒ݂ܗܳܪܢ
PESHITTA
ܡܶܛܽܠ ܗܳܢܳܐ ܐܶܬ݂ܒ݁ܛܶܠ ܠܺܝ ܕ݁ܶܐܒ݂ܥܶܐ ܡܶܢ ܐܳܚܳܝ ܗܳܠܶܝܢ ܕ݁ܢܺܐܬ݂ܽܘܢ ܩܕ݂ܳܡܳܝ ܠܘܳܬ݂ܟ݂ܽܘܢ ܘܳܢܥܳܬ݁ܕ݂ܽܘܢ ܒ݁ܽܘܪܟ݁ܬ݂ܳܐ ܗܳܝ ܕ݁ܡܶܢ ܩܕ݂ܺܝܡ ܐܶܫܬ݁ܡܳܥܬ݁ܽܘܢ ܕ݁ܬ݂ܶܗܘܶܐ ܡܛܳܝܒ݂ܳܐ ܗܳܟ݂ܳܢܳܐ ܐܳܝܟ݂ ܒ݁ܽܘܪܟ݁ܬ݂ܳܐ ܠܳܐ ܗܘܳܐ ܐܳܝܟ݂ ܝܳܥܢܽܘܬ݂ܳܐ
PESHITTA
ܗܳܕ݂ܶܐ ܕ݁ܶܝܢ ܡܳܢ ܕ݁ܙܳܪܳܥ ܒ݁ܚܳܘܣܳܢܳܐ ܐܳܦ݂ ܒ݁ܚܳܘܣܳܢܳܐ ܚܳܶܕ݂ ܘܡܳܢ ܕ݁ܙܳܪܳܥ ܒ݁ܒ݂ܽܘܪܟ݁ܬ݂ܳܐ ܒ݁ܒ݂ܽܘܪܟ݁ܬ݂ܳܐ ܢܶܚܽܘܕ݂
PESHITTA
ܟ݁ܽܠ ܐܢܳܫ ܐܳܝܟ݂ ܕ݁ܺܐܝܬ݂ ܒ݁ܪܶܥܝܳܢܶܗ ܠܳܐ ܐܳܝܟ݂ ܕ݁ܡܶܢ ܟ݁ܳܪܝܽܘܬ݂ܳܐ ܐܳܘ ܐܳܝܟ݂ ܕ݁ܡܶܢ ܩܛܺܝܪܳܐ ܠܝܳܗܽܘܒ݂ܳܐ ܗܽܘ ܓ݁ܶܝܪ ܚܳܕ݁ܳܝܳܐ ܪܳܚܶܡ ܐܳܠܳܗܳܐ
PESHITTA
ܡܳܛܝܳܐ ܗܝ ܕ݁ܶܝܢ ܒ݁ܺܐܝܕ݂ܳܝ ܐܳܠܳܗܳܐ ܟ݁ܽܠ ܛܳܝܒ݁ܽܘ ܕ݁ܳܢܝܳܬ݁ܳܪ ܒ݁ܟ݂ܽܘܢ ܕ݁ܳܒ݂ܟ݂ܽܠܙܒ݂ܳܢ ܒ݁ܟ݂ܽܠܡܶܕ݁ܶܡ ܗܳܘ ܡܳܐ ܕ݁ܣܳܦ݂ܶܩ ܠܟ݂ܽܘܢ ܢܶܗܘܶܐ ܠܟ݂ܽܘܢ ܘܬ݂ܶܬ݂ܝܳܬ݁ܪܽܘܢ ܒ݁ܟ݂ܽܠ ܥܒ݂ܳܕ݂ ܛܳܒ݂
PESHITTA
ܐܳܝܟ݂ ܕ݁ܳܟ݂ܬ݂ܺܝܒ݂ ܕ݁ܒ݂ܳܕ݁ܳܪ ܘܝܳܗܒ݂ ܠܡܶܣܟ݁ܺܢܶܐ ܘܙܳܕ݁ܺܝܩܽܘܬ݂ܶܗ ܩܳܝܳܡܳܐ ܠܥܳܠܳܡ
PESHITTA
ܗܳܘ ܕ݁ܶܝܢ ܕ݁ܝܳܗܶܒ݂ ܙܳܪܥܳܐ ܠܙܳܪܽܘܥܳܐ ܘܠܳܚܡܳܐ ܠܡܶܐܟ݂ܽܘܠܬ݁ܳܐ ܗܽܘ ܢܶܬ݁ܶܠ ܘܢܳܣܓ݁ܶܐ ܙܳܪܥܟ݂ܽܘܢ ܘܳܢܪܳܒ݁ܶܐ ܦ݁ܺܐܪܶܐ ܕ݁ܙܳܕ݁ܺܝܩܽܘܬ݂ܟ݂ܽܘܢ
PESHITTA
ܕ݁ܳܒ݂ܟ݂ܽܠ ܡܶܕ݁ܶܡ ܬ݁ܶܥܬ݁ܪܽܘܢ ܒ݁ܟ݂ܽܠܳܗ ܦ݁ܫܺܝܛܽܘܬ݂ܳܐ ܕ݁ܗܺܝ ܓ݁ܳܡܪܳܐ ܒ݁ܺܐܝܕ݂ܳܢ ܬ݁ܳܘܕ݁ܺܝܬ݂ܳܐ ܠܳܐܠܳܗܳܐ
PESHITTA
ܡܶܛܽܠ ܕ݁ܦ݂ܽܘܠܚܳܢܳܐ ܕ݁ܬ݂ܶܫܡܶܫܬ݁ܳܐ ܗܳܕ݂ܶܐ ܠܳܐ ܗܘܳܐ ܒ݁ܳܠܚܽܘܕ݂ ܚܳܣܺܝܪܽܘܬ݂ܳܐ ܕ݁ܩܳܕ݁ܺܝܫܶܐ ܡܡܳܠܶܐ ܐܶܠܳܐ ܐܳܦ݂ ܡܝܳܬ݁ܳܪ ܒ݁ܬ݂ܳܘܕ݁ܝܳܬ݂ܳܐ ܣܳܓ݁ܺܝܳܐܬ݂ܳܐ ܠܳܐܠܳܗܳܐ
Blogs over 2 Petrus 9
Nog geen artikelen die specifiek naar 2 Petrus 9 verwijzen. Zoek toch op de hoofdsite →