PESHITTA
ܡܶܛܽܠ ܗܳܢܳܐ ܠܳܐ ܡܳܐܢܳܐ ܠܳܢ ܒ݁ܬ݂ܶܫܡܶܫܬ݁ܳܐ ܗܳܕ݂ܶܐ ܕ݁ܳܐܚܺܝܕ݂ܺܝܢܳܢ ܐܳܝܟ݂ ܪܳܚܡܶܐ ܕ݁ܳܗܘܳܘ ܥܠܳܝܢ
BRIEVEN
2 Petrus 4
Πέτρου Βʹ
Hoofdstukken (13)← → toetsen
Getuigen
Interlineair
Tekstgrootte
Diff
PESHITTA
ܐܶܠܳܐ ܐܳܣܠܺܝܢܳܢ ܟ݁ܳܣܝܳܬ݂ܳܗ ܕ݁ܒ݂ܶܗܬ݁ܬ݂ܳܐ ܘܠܳܐ ܡܗܳܠܟ݂ܺܝܢܳܢ ܒ݁ܚܳܪܥܽܘܬ݂ܳܐ ܘܠܳܐ ܢܳܟ݂ܠܺܝܢܳܢ ܡܶܠܬ݂ܶܗ ܕ݁ܳܐܠܳܗܳܐ ܐܶܠܳܐ ܒ݁ܓ݂ܳܠܝܽܘܬ݂ܳܐ ܕ݁ܳܫܪܳܪܳܐ ܡܚܳܘܶܝܢܳܢ ܢܳܦ݂ܫܳܢ ܠܟ݂ܽܠܗܽܘܢ ܪܶܥܝܳܢܶܐ ܕ݁ܳܒ݂ܢܳܝܢܳܫܳܐ ܩܕ݂ܳܡ ܐܳܠܳܗܳܐ
PESHITTA
ܘܶܐܢ ܕ݁ܶܝܢ ܡܟ݂ܳܣܳܝ ܗܽܘ ܐܶܘܳܢܓ݁ܶܠܺܝܳܘܢ ܕ݁ܺܝܠܳܢ ܠܳܐܝܠܶܝܢ ܕ݁ܳܐܒ݂ܕ݁ܺܝܢ ܗܽܘ ܡܟ݂ܳܣܳܝ
PESHITTA
ܐܳܝܠܶܝܢ ܕ݁ܳܐܠܳܗܶܗ ܕ݁ܥܳܠܡܳܐ ܗܳܢܳܐ ܥܳܘܳܪ ܡܳܕ݁ܥܳܝܗܽܘܢ ܥܳܠ ܕ݁ܠܳܐ ܡܗܳܝܡܢܺܝܢ ܕ݁ܠܳܐ ܢܶܕ݂ܢܳܚ ܠܗܽܘܢ ܢܽܘܗܪܶܗ ܕ݁ܶܐܘܳܢܓ݁ܶܠܺܝܳܘܢ ܕ݁ܫܽܘܒ݂ܚܶܗ ܕ݁ܳܡܫܺܝܚܳܐ ܕ݁ܗܽܘܝܽܘ ܕ݁ܡܽܘܬ݂ܶܗ ܕ݁ܳܐܠܳܗܳܐ
PESHITTA
ܠܳܐ ܗܘܳܐ ܓ݁ܶܝܪ ܢܳܦ݂ܫܳܢ ܡܳܟ݂ܪܙܺܝܢܳܢ ܐܶܠܳܐ ܠܳܡܫܺܝܚܳܐ ܝܶܫܽܘܥ ܡܳܪܳܢ ܠܢܳܦ݂ܫܳܢ ܕ݁ܶܝܢ ܕ݁ܥܳܒ݂ܕ݁ܳܝܟ݁ܽܘܢ ܚܢܳܢ ܡܶܛܽܠ ܝܶܫܽܘܥ
PESHITTA
ܡܶܛܽܠ ܕ݁ܳܐܠܳܗܳܐ ܗܽܘ ܕ݁ܶܐܡܳܪ ܕ݁ܡܶܢ ܚܶܫܽܘܟ݂ܳܐ ܢܽܘܗܪܳܐ ܢܶܕ݂ܢܳܚ ܗܽܘ ܕ݁ܢܳܚ ܒ݁ܠܶܒ݁ܳܘܳܬ݂ܳܢ ܕ݁ܢܶܬ݂ܢܳܗܳܪ ܒ݁ܺܝܕ݂ܳܥܬ݂ܳܐ ܕ݁ܫܽܘܒ݂ܚܶܗ ܕ݁ܳܐܠܳܗܳܐ ܒ݁ܦ݁ܳܪܽܘܦ݁ܶܗ ܕ݁ܝܶܫܽܘܥ ܡܫܺܝܚܳܐ
PESHITTA
ܐܺܝܬ݂ ܠܳܢ ܕ݁ܶܝܢ ܣܺܝܡܬ݂ܳܐ ܗܳܕ݂ܶܐ ܒ݁ܡܳܐܢܳܐ ܕ݁ܚܶܦ݁ܳܐ ܕ݁ܪܳܒ݁ܽܘܬ݂ܳܐ ܕ݁ܚܳܝܠܳܐ ܡܶܢ ܐܳܠܳܗܳܐ ܬ݁ܶܗܘܶܐ ܘܠܳܐ ܡܶܢܳܢ
PESHITTA
ܒ݁ܟ݂ܽܠܡܶܕ݁ܶܡ ܓ݁ܶܝܪ ܡܶܬ݂ܳܐܠܺܝܢܳܢ ܐܶܠܳܐ ܠܳܐ ܡܶܬ݂ܚܳܢܩܺܝܢܳܢ ܡܶܬ݁ܛܳܪܦ݂ܺܝܢܳܢ ܐܶܠܳܐ ܠܳܐ ܚܳܝܳܒ݂ܺܝܢ ܚܢܳܢ
PESHITTA
ܡܶܬ݂ܪܳܕ݂ܦ݁ܺܝܢܳܢ ܐܶܠܳܐ ܠܳܐ ܡܶܫܬ݁ܳܒ݂ܩܺܝܢܳܢ ܡܶܣܬ݁ܳܚܦ݁ܺܝܢܳܢ ܐܶܠܳܐ ܠܳܐ ܐܳܒ݂ܕ݁ܺܝܢܳܢ
PESHITTA
ܒ݁ܟ݂ܽܠܙܒ݂ܳܢ ܡܺܝܬ݂ܽܘܬ݂ܶܗ ܕ݁ܝܶܫܽܘܥ ܒ݁ܦ݂ܳܓ݂ܪܳܝܢ ܫܩܺܝܠܺܝܢܳܢ ܕ݁ܳܐܦ݂ ܚܳܝܳܘܗܝ ܕ݁ܝܶܫܽܘܥ ܒ݁ܦ݂ܳܓ݂ܪܳܝܢ ܢܶܬ݂ܓ݁ܠܽܘܢ
PESHITTA
ܐܶܢ ܚܢܳܢ ܓ݁ܶܝܪ ܚܳܝܶܐ ܠܡܳܘܬ݁ܳܐ ܡܶܫܬ݁ܳܠܡܺܝܢܳܢ ܡܶܛܽܠ ܝܶܫܽܘܥ ܗܳܟ݂ܳܢܳܐ ܐܳܦ݂ ܚܳܝܳܘܗܝ ܕ݁ܝܶܫܽܘܥ ܢܶܬ݂ܓ݁ܠܽܘܢ ܒ݁ܦ݂ܳܓ݂ܪܳܢ ܗܳܢܳܐ ܕ݁ܡܳܐܶܬ݂
PESHITTA
ܗܳܫܳܐ ܡܳܘܬ݁ܳܐ ܒ݁ܳܢ ܡܶܬ݂ܚܳܦ݁ܳܛ ܘܚܳܝܶܐ ܒ݁ܟ݂ܽܘܢ
Blogs over 2 Petrus 4
Nog geen artikelen die specifiek naar 2 Petrus 4 verwijzen. Zoek toch op de hoofdsite →