PESHITTA
ܗܳܕ݂ܶܐ ܕ݁ܳܬ݂ܠܳܬ݂ ܗܺܝ ܙܳܒ݂ܢܺܝܢ ܕ݁ܺܐܬ݂ܶܐ ܐܢܳܐ ܠܘܳܬ݂ܟ݂ܽܘܢ ܕ݁ܥܳܠ ܦ݁ܽܘܡ ܬ݁ܪܶܝܢ ܘܳܬ݂ܠܳܬ݂ܳܐ ܣܳܗܕ݁ܺܝܢ ܬ݁ܩܽܘܡ ܟ݁ܽܠ ܡܶܠܳܐ
BRIEVEN
2 Petrus 13
Πέτρου Βʹ
Hoofdstukken (13)← → toetsen
Getuigen
Interlineair
Tekstgrootte
Diff
PESHITTA
ܡܶܢ ܩܕ݂ܺܝܡ ܐܶܡܪܶܬ݂ ܗܘܺܝܬ݂ ܠܟ݂ܽܘܢ ܘܬ݂ܽܘܒ݂ ܡܩܳܕ݁ܶܡ ܐܢܳܐ ܐܳܡܳܪ ܐܢܳܐ ܠܟ݂ܽܘܢ ܐܳܝܟ݂ ܕ݁ܳܐܦ݂ ܬ݁ܳܪܬ݁ܶܝܢ ܙܳܒ݂ܢܺܝܢ ܕ݁ܳܗܘܺܝܬ݂ ܠܘܳܬ݂ܟ݂ܽܘܢ ܐܶܡܪܶܬ݂ ܠܟ݂ܽܘܢ ܘܳܐܦ݂ ܗܳܫܳܐ ܟ݁ܳܕ݂ ܪܳܚܺܝܩ ܐܢܳܐ ܟ݁ܳܬ݂ܶܒ݂ܢܳܐ ܠܗܳܠܶܝܢ ܕ݁ܳܚܛܳܘ ܘܳܠܫܳܪܟ݁ܳܐ ܕ݁ܳܐܚܪܳܢܶܐ ܕ݁ܶܐܢ ܐܺܬ݂ܶܐ ܬ݁ܽܘܒ݂ ܠܳܐ ܐܶܚܽܘܣ
PESHITTA
ܡܶܛܽܠ ܕ݁ܒ݂ܽܘܩܝܳܐ ܒ݁ܳܥܶܝܬ݁ܽܘܢ ܕ݁ܳܡܫܺܝܚܳܐ ܕ݁ܳܡܡܳܠܶܠ ܒ݁ܺܝ ܗܳܘ ܕ݁ܠܳܐ ܗܘܳܐ ܡܚܺܝܠ ܒ݁ܟ݂ܽܘܢ ܐܶܠܳܐ ܚܳܝܠܬ݂ܳܢ ܗܽܘ ܒ݁ܟ݂ܽܘܢ
PESHITTA
ܐܳܦ݂ܶܢ ܐܶܙܕ݁ܩܶܦ݂ ܓ݁ܶܝܪ ܒ݁ܳܡܚܺܝܠܽܘܬ݂ܳܐ ܐܶܠܳܐ ܚܳܝ ܗܽܘ ܒ݁ܚܳܝܠܳܐ ܕ݁ܳܐܠܳܗܳܐ ܘܳܐܦ݂ ܚܢܳܢ ܡܚܺܝܠܺܝܢܳܢ ܥܳܡܶܗ ܐܶܠܳܐ ܚܳܝܺܝܢ ܚܢܳܢ ܥܳܡܶܗ ܒ݁ܚܳܝܠܳܐ ܕ݁ܳܐܠܳܗܳܐ ܕ݁ܳܒ݂ܟ݂ܽܘܢ
PESHITTA
ܢܳܦ݂ܫܟ݂ܽܘܢ ܒ݁ܩܳܘ ܐܶܢ ܒ݁ܳܗ ܒ݁ܗܳܝܡܳܢܽܘܬ݂ܳܐ ܩܳܝܡܺܝܢ ܐܢܬ݁ܽܘܢ ܢܳܦ݂ܫܟ݂ܽܘܢ ܐܳܣܳܘ ܐܳܘ ܠܳܐ ܡܶܫܬ݁ܳܘܕ݁ܥܺܝܬ݁ܽܘܢ ܕ݁ܝܶܫܽܘܥ ܡܫܺܝܚܳܐ ܒ݁ܟ݂ܽܘܢ ܗܽܘ ܘܶܐܢ ܠܳܐ ܡܳܣܠܳܝܳܐ ܐܢܬ݁ܽܘܢ
PESHITTA
ܡܣܳܒ݁ܳܪ ܐܢܳܐ ܕ݁ܶܝܢ ܕ݁ܬ݂ܶܕ݁ܥܽܘܢ ܕ݁ܳܚܢܳܢ ܠܳܐ ܗܘܳܝܢ ܡܳܣܠܶܝܢ
PESHITTA
ܒ݁ܳܥܶܐ ܐܢܳܐ ܕ݁ܶܝܢ ܡܶܢ ܐܳܠܳܗܳܐ ܕ݁ܠܳܐ ܢܶܗܘܶܐ ܒ݁ܟ݂ܽܘܢ ܡܶܕ݁ܶܡ ܕ݁ܒ݂ܺܝܫ ܐܳܝܟ݂ ܕ݁ܒ݂ܽܘܩܝܳܢ ܕ݁ܺܝܠܳܢ ܢܶܬ݂ܚܙܶܐ ܐܶܠܳܐ ܕ݁ܳܐܢܬ݁ܽܘܢ ܬ݁ܶܗܘܽܘܢ ܣܳܥܪܺܝܢ ܛܳܒ݂ܳܬ݂ܳܐ ܘܳܚܢܳܢ ܢܶܗܘܶܐ ܐܳܝܟ݂ ܡܳܣܠܳܝܳܐ
PESHITTA
ܠܳܐ ܓ݁ܶܝܪ ܡܶܫܟ݁ܚܺܝܢܳܢ ܕ݁ܢܶܥܒ݁ܶܕ݂ ܡܶܕ݁ܶܡ ܠܽܘܩܒ݂ܳܠ ܩܽܘܫܬ݁ܳܐ ܐܶܠܳܐ ܚܠܳܦ݂ ܩܽܘܫܬ݁ܳܐ
PESHITTA
ܚܳܕ݂ܶܝܢܳܢ ܕ݁ܶܝܢ ܡܳܐ ܕ݁ܳܚܢܳܢ ܟ݁ܪܺܝܗܺܝܢ ܘܳܐܢܬ݁ܽܘܢ ܚܳܝܠܬ݂ܳܢܺܝܢ ܗܳܕ݂ܶܐ ܓ݁ܶܝܪ ܐܳܦ݂ ܡܳܠܶܝܢܳܢ ܕ݁ܳܐܢܬ݁ܽܘܢ ܬ݁ܶܬ݁ܓ݁ܳܡܪܽܘܢ
PESHITTA
ܡܶܛܽܠ ܗܳܢܳܐ ܟ݁ܳܕ݂ ܪܳܚܺܝܩ ܐܢܳܐ ܗܳܠܶܝܢ ܟ݁ܳܬ݂ܶܒ݂ ܐܢܳܐ ܕ݁ܠܳܐ ܡܳܐ ܕ݁ܶܐܬ݂ܺܝܬ݂ ܩܳܫܝܳܐܝܺܬ݂ ܐܶܣܥܽܘܪ ܐܳܝܟ݂ ܫܽܘܠܛܳܢܳܐ ܕ݁ܝܳܗܒ݂ ܠܺܝ ܡܳܪܝ ܠܒ݂ܶܢܝܳܢܟ݂ܽܘܢ ܘܠܳܐ ܠܣܽܘܚܳܦ݂ܟ݂ܽܘܢ
PESHITTA
ܡܶܟ݁ܺܝܠ ܐܳܚܳܝ ܚܕ݂ܳܘ ܘܶܐܬ݂ܓ݁ܳܡܪܘ ܘܶܐܬ݂ܒ݁ܳܝܳܐܘ ܘܳܐܘܝܽܘܬ݂ܳܐ ܘܫܳܝܢܳܐ ܢܶܗܘܶܐ ܒ݁ܟ݂ܽܘܢ ܘܳܐܠܳܗܳܐ ܕ݁ܚܽܘܒ݁ܳܐ ܘܳܕ݂ܫܳܠܡܽܘܬ݂ܳܐ ܢܶܗܘܶܐ ܥܳܡܟ݂ܽܘܢ
PESHITTA
ܫܳܐܠܘ ܒ݁ܳܫܠܳܡܳܐ ܚܳܕ݂ ܕ݁ܚܳܕ݂ ܒ݁ܢܽܘܫܳܩܬ݁ܳܐ ܩܳܕ݁ܺܝܫܬ݁ܳܐ
Blogs over 2 Petrus 13
Nog geen artikelen die specifiek naar 2 Petrus 13 verwijzen. Zoek toch op de hoofdsite →