PESHITTA
ܡܳܘܕ݁ܥܺܝܢܳܢ ܠܟ݂ܽܘܢ ܕ݁ܶܝܢ ܐܳܚܳܝܢ ܛܳܝܒ݁ܽܘܬ݂ܶܗ ܕ݁ܳܐܠܳܗܳܐ ܕ݁ܶܐܬ݂ܝܳܗܒ݁ܳܬ݂ ܒ݁ܥܺܕ݂ܳܬ݂ܳܐ ܕ݁ܡܳܩܶܕ݂ܳܘܢܳܝܶܐ
BRIEVEN
2 Petrus 8
Πέτρου Βʹ
Hoofdstukken (13)← → toetsen
Getuigen
Interlineair
Tekstgrootte
Diff
PESHITTA
ܕ݁ܳܒ݂ܒ݂ܽܘܩܝܳܐ ܣܳܓ݁ܺܝܳܐܐ ܕ݁ܽܐܘܠܳܢܗܽܘܢ ܝܳܬ݁ܺܝܪܽܘܬ݂ܳܐ ܗܘܳܬ݂ ܠܚܳܕ݂ܘܳܬ݂ܗܽܘܢ ܘܥܽܘܡܩܳܐ ܕ݁ܡܶܣܟ݁ܺܢܽܘܬ݂ܗܽܘܢ ܐܶܬ݂ܝܳܬ݁ܳܪ ܒ݁ܥܽܘܬ݂ܪܳܐ ܕ݁ܳܦ݂ܫܺܝܛܽܘܬ݂ܗܽܘܢ
PESHITTA
ܣܳܗܶܕ݂ ܐܢܳܐ ܓ݁ܶܝܪ ܕ݁ܳܐܝܟ݂ ܚܳܝܠܗܽܘܢ ܘܝܳܬ݁ܺܝܪ ܡܶܢ ܚܳܝܠܗܽܘܢ ܒ݁ܶܒ݂ܝܳܢ ܢܳܦ݂ܫܗܽܘܢ
PESHITTA
ܒ݁ܥܳܘ ܡܶܢܳܢ ܒ݁ܒ݂ܳܥܽܘܬ݂ܳܐ ܣܳܓ݁ܺܝܐܬ݂ܳܐ ܕ݁ܢܶܫܬ݁ܳܘܬ݁ܦ݂ܽܘܢ ܒ݁ܛܳܝܒ݁ܽܘܬ݂ܳܐ ܕ݁ܬ݂ܶܫܡܶܫܬ݁ܳܐ ܕ݁ܩܳܕ݁ܺܝܫܶܐ
PESHITTA
ܘܠܳܐ ܐܳܝܟ݂ ܡܳܐ ܕ݁ܣܳܒ݂ܪܺܝܢ ܗܘܳܝܢ ܐܶܠܳܐ ܢܳܦ݂ܫܗܽܘܢ ܐܳܫܠܶܡܘ ܠܽܘܩܕ݂ܳܡ ܠܡܳܪܳܢ ܘܳܐܦ݂ ܠܳܢ ܒ݁ܶܒ݂ܝܳܢܶܗ ܕ݁ܳܐܠܳܗܳܐ
PESHITTA
ܕ݁ܳܚܢܳܢ ܢܶܒ݂ܥܶܐ ܡܶܢ ܛܺܛܳܘܣ ܕ݁ܳܐܝܟ݂ ܕ݁ܫܳܪܺܝ ܗܳܟ݂ܳܢܳܐ ܢܫܳܠܶܡ ܒ݁ܟ݂ܽܘܢ ܐܳܦ݂ ܛܳܝܒ݁ܽܘܬ݂ܳܐ ܗܳܕ݂ܶܐ
PESHITTA
ܐܶܠܳܐ ܐܳܝܟ݁ܳܢܳܐ ܕ݁ܳܒ݂ܟ݂ܽܠܡܶܕ݁ܶܡ ܡܶܬ݂ܝܳܬ݁ܪܺܝܢ ܐܢܬ݁ܽܘܢ ܒ݁ܗܳܝܡܳܢܽܘܬ݂ܳܐ ܘܳܒ݂ܡܶܠܬ݂ܳܐ ܘܒ݂ܺܝܕ݂ܳܥܬ݂ܳܐ ܘܳܒ݂ܟ݂ܽܠ ܚܦ݂ܺܝܛܘ ܘܳܒ݂ܚܽܘܒ݁ܳܢ ܕ݁ܳܠܘܳܬ݂ܟ݂ܽܘܢ ܗܳܟ݂ܳܢܳܐ ܐܳܦ݂ ܒ݁ܗܳܕ݂ܶܐ ܛܳܝܒ݁ܽܘܬ݂ܳܐ ܬ݁ܶܬ݂ܝܳܬ݁ܪܽܘܢ
PESHITTA
ܠܳܐ ܗܘܳܐ ܡܶܦ݂ܩܳܕ݂ ܦ݁ܳܩܶܕ݂ ܐܢܳܐ ܠܟ݂ܽܘܢ ܐܶܠܳܐ ܒ݁ܳܚܦ݂ܺܝܛܽܘܬ݂ܳܐ ܕ݁ܚܳܒ݂ܪܳܝܟ݁ܽܘܢ ܫܪܳܪܳܐ ܕ݁ܚܽܘܒ݁ܟ݂ܽܘܢ ܡܢܳܣܶܐ ܐܢܳܐ
PESHITTA
ܝܳܕ݂ܥܺܝܢ ܐܢܬ݁ܽܘܢ ܓ݁ܶܝܪ ܛܳܝܒ݁ܽܘܬ݂ܶܗ ܕ݁ܡܳܪܳܢ ܝܶܫܽܘܥ ܡܫܺܝܚܳܐ ܕ݁ܡܶܛܽܠܳܬ݂ܟ݂ܽܘܢ ܐܶܬ݂ܡܳܣܟ݁ܳܢ ܟ݁ܳܕ݂ ܐܺܝܬ݂ܳܘܗܝ ܥܳܬ݁ܺܝܪܳܐ ܕ݁ܳܐܢܬ݁ܽܘܢ ܒ݁ܡܶܣܟ݁ܺܢܽܘܬ݂ܶܗ ܬ݁ܶܥܬ݁ܪܽܘܢ
PESHITTA
ܡܶܡܠܳܟ݂ ܕ݁ܶܝܢ ܡܳܠܶܟ݂ ܐܢܳܐ ܠܟ݂ܽܘܢ ܗܳܕ݂ܶܐ ܕ݁ܳܡܥܳܕ݁ܪܳܐ ܠܟ݂ܽܘܢ ܡܶܛܽܠ ܕ݁ܡܶܢ ܐܶܫܬ݁ܩܳܕ݂ܝ ܫܳܪܺܝܬ݁ܽܘܢ ܠܳܘ ܠܡܶܒ݁ܳܐ ܒ݁ܳܠܚܽܘܕ݂ ܐܶܠܳܐ ܐܳܦ݂ ܠܡܶܥܒ݁ܳܕ݂
PESHITTA
ܗܳܫܳܐ ܕ݁ܶܝܢ ܫܳܠܶܡܘ ܒ݁ܳܥܒ݂ܳܕ݂ܳܐ ܗܳܘ ܡܶܕ݁ܶܡ ܕ݁ܳܒ݂ܳܝܬ݁ܽܘܢ ܕ݁ܳܐܝܟ݁ܳܢܳܐ ܕ݁ܳܗܘܳܐ ܠܟ݂ܽܘܢ ܣܽܘܘܳܚܳܐ ܠܡܶܒ݁ܳܐ ܗܳܟ݂ܳܢܳܐ ܒ݁ܳܥܒ݂ܳܕ݂ܳܐ ܬ݁ܫܳܠܡܽܘܢ ܡܶܢ ܡܳܐ ܕ݁ܺܐܝܬ݂ ܠܟ݂ܽܘܢ
PESHITTA
ܐܶܢ ܓ݁ܶܝܪ ܶܒ݂ܝܳܢܳܐ ܐܺܝܬ݂ܳܘܗܝ ܐܳܝܟ݂ ܡܳܐ ܕ݁ܺܐܝܬ݂ ܠܶܗ ܗܳܟ݂ܘܳܬ݂ ܡܶܬ݂ܩܳܒ݁ܳܠ ܠܳܐ ܗܘܳܐ ܐܳܝܟ݂ ܡܳܐ ܕ݁ܠܳܝܬ݁ ܠܶܗ
Blogs over 2 Petrus 8
Nog geen artikelen die specifiek naar 2 Petrus 8 verwijzen. Zoek toch op de hoofdsite →