PESHITTA
ܝܳܕ݂ܥܺܝܢܳܢ ܓ݁ܶܝܪ ܕ݁ܶܐܢ ܒ݁ܳܝܬ݁ܳܢ ܕ݁ܒ݂ܳܐܪܥܳܐ ܗܳܢܳܐ ܕ݁ܦ݂ܳܓ݂ܪܳܐ ܢܶܫܬ݁ܪܶܐ ܐܶܠܳܐ ܐܺܝܬ݂ ܠܳܢ ܒ݁ܶܢܝܳܢܳܐ ܕ݁ܡܶܢ ܐܳܠܳܗܳܐ ܒ݁ܳܝܬ݁ܳܐ ܕ݁ܠܳܐ ܒ݁ܳܥܒ݂ܳܕ݂ ܐܺܝܕ݂ܳܝܳܐ ܒ݁ܳܫܡܳܝܳܐ ܠܥܳܠܳܡ
BRIEVEN
2 Petrus 5
Πέτρου Βʹ
Hoofdstukken (13)← → toetsen
Getuigen
Interlineair
Tekstgrootte
Diff
PESHITTA
ܐܳܦ݂ ܥܳܠ ܗܳܕ݂ܶܐ ܓ݁ܶܝܪ ܡܶܬ݁ܬ݁ܳܢܚܺܝܢܳܢ ܘܳܣܘܶܝܢܳܢ ܕ݁ܢܶܠܒ݁ܳܫ ܒ݁ܳܝܬ݁ܳܢ ܕ݁ܡܶܢ ܫܡܳܝܳܐ
PESHITTA
ܐܶܠܳܐ ܐܳܦ݂ ܡܳܐ ܕ݁ܳܠܒ݂ܶܫܢ ܢܶܫܬ݁ܟ݂ܳܚ ܠܳܢ ܥܳܪܛܶܠ
PESHITTA
ܟ݁ܳܕ݂ ܐܺܝܬ݂ܳܝܢ ܓ݁ܶܝܪ ܗܳܫܳܐ ܒ݁ܗܳܢܳܐ ܒ݁ܳܝܬ݁ܳܐ ܡܶܬ݁ܬ݁ܳܢܚܺܝܢܳܢ ܡܶܢ ܝܽܘܩܪܶܗ ܘܠܳܐ ܳܒ݂ܶܝܢܳܢ ܠܡܶܫܠܚܶܗ ܐܶܠܳܐ ܕ݁ܢܶܠܒ݁ܳܫ ܠܥܶܠ ܡܶܢܶܗ ܕ݁ܬ݂ܶܬ݂ܒ݁ܠܳܥ ܡܺܝܬ݂ܽܘܬ݂ܶܗ ܒ݁ܚܳܝܶܐ
PESHITTA
ܘܕ݂ܳܡܥܳܬ݁ܶܕ݂ ܠܳܢ ܠܳܗ ܠܗܳܕ݂ܶܐ ܐܳܠܳܗܳܐ ܗܽܘ ܗܳܘ ܕ݁ܝܳܗܒ݂ ܠܳܢ ܪܳܗܒ݂ܽܘܢܳܐ ܕ݁ܪܽܘܚܶܗ
PESHITTA
ܡܶܛܽܠ ܕ݁ܝܳܕ݂ܥܺܝܢܳܢ ܗܳܟ݂ܺܝܠ ܘܳܡܦ݁ܳܣܺܝܢܳܢ ܕ݁ܳܟ݂ܡܳܐ ܕ݁ܳܒ݂ܦ݂ܳܓ݂ܪܳܐ ܫܪܶܝܢܳܢ ܥܳܢܺܝܕ݂ܺܝܢܳܢ ܡܶܢ ܡܳܪܳܢ
PESHITTA
ܒ݁ܗܳܝܡܳܢܽܘܬ݂ܳܐ ܗܽܘ ܓ݁ܶܝܪ ܡܗܳܠܟ݂ܺܝܢܳܢ ܘܠܳܐ ܒ݁ܳܚܙܳܝܳܐ
PESHITTA
ܡܶܛܽܠ ܗܳܢܳܐ ܬ݁ܟ݂ܺܝܠܺܝܢܳܢ ܘܳܡܣܳܘܚܺܝܢܳܢ ܕ݁ܢܶܥܢܳܕ݂ ܡܶܢ ܦ݁ܳܓ݂ܪܳܐ ܘܢܶܗܘܶܐ ܠܘܳܬ݂ ܡܳܪܳܢ
PESHITTA
ܘܡܶܬ݂ܚܳܦ݁ܛܺܝܢܳܢ ܕ݁ܶܐܢ ܥܳܢܽܘܕ݂ܶܐ ܚܢܳܢ ܘܶܐܢ ܥܳܡܽܘܪܶܐ ܠܶܗ ܗܘܳܝܢ ܫܳܦ݂ܪܺܝܢ
PESHITTA
ܟ݁ܽܠܳܢ ܓ݁ܶܝܪ ܥܬ݂ܺܝܕ݂ܺܝܢܳܢ ܠܳܡܩܳܡ ܩܕ݂ܳܡ ܒ݁ܺܝܡ ܕ݁ܳܡܫܺܝܚܳܐ ܕ݁ܢܶܬ݂ܦ݁ܪܳܥ ܐܢܳܫ ܐܢܳܫ ܒ݁ܦ݂ܳܓ݂ܪܶܗ ܡܶܕ݁ܶܡ ܕ݁ܳܥܒ݂ܺܝܕ݂ ܠܶܗ ܐܶܢ ܕ݁ܛܳܒ݂ ܘܶܐܢ ܕ݁ܒ݂ܺܝܫ
PESHITTA
ܡܶܛܽܠ ܕ݁ܝܳܕ݂ܥܺܝܢܳܢ ܗܳܟ݂ܺܝܠ ܕ݁ܶܚܠܬ݂ܶܗ ܕ݁ܡܳܪܳܢ ܠܳܒ݂ܢܳܝܢܳܫܳܐ ܗܽܘ ܡܦ݁ܺܝܣܺܝܢܳܢ ܠܳܐܠܳܗܳܐ ܕ݁ܶܝܢ ܓ݁ܠܶܝܢܳܢ ܣܳܒ݂ܳܪ ܐܢܳܐ ܕ݁ܶܝܢ ܕ݁ܳܐܦ݂ ܠܡܳܕ݁ܥܳܝܟ݁ܽܘܢ ܕ݁ܺܝܠܟ݂ܽܘܢ ܓ݁ܠܶܝܢܳܢ
PESHITTA
ܠܳܐ ܗܘܳܐ ܬ݁ܽܘܒ݂ ܢܳܦ݂ܫܳܢ ܡܫܳܒ݁ܚܺܝܢܳܢ ܠܟ݂ܽܘܢ ܐܶܠܳܐ ܥܶܠܬ݂ܳܐ ܗܽܘ ܝܳܗܒ݁ܺܝܢܳܢ ܠܟ݂ܽܘܢ ܕ݁ܳܗܘܳܝܬ݁ܽܘܢ ܡܶܫܬ݁ܳܒ݂ܗܪܺܝܢ ܒ݁ܳܢ ܠܘܳܬ݂ ܗܳܢܽܘܢ ܕ݁ܒ݂ܳܐܦ݁ܶܐ ܗܘ ܡܶܫܬ݁ܳܒ݂ܗܪܺܝܢ ܘܠܳܐ ܒ݁ܠܶܒ݁ܳܐ
Blogs over 2 Petrus 5
Nog geen artikelen die specifiek naar 2 Petrus 5 verwijzen. Zoek toch op de hoofdsite →