PESHITTA
ܠܡܶܫܬ݁ܳܒ݂ܗܳܪܽܘ ܘܳܠܶܐ ܐܶܠܳܐ ܠܳܐ ܦ݁ܳܩܳܚ ܐܳܬ݂ܶܐ ܐܢܳܐ ܠܺܝ ܓ݁ܶܝܪ ܠܚܶܙܘܳܢܶܐ ܘܳܠܓ݂ܶܠܝܳܢܳܘܗܝ ܕ݁ܡܳܪܳܢ
BRIEVEN
2 Petrus 12
Πέτρου Βʹ
Hoofdstukken (13)← → toetsen
Getuigen
Interlineair
Tekstgrootte
Diff
PESHITTA
ܝܳܕ݂ܳܥܢܳܐ ܓ݁ܳܒ݂ܪܳܐ ܒ݁ܳܡܫܺܝܚܳܐ ܡܶܢ ܩܕ݂ܳܡ ܐܳܪܒ݁ܳܥܶܣܪܶܐ ܫܢܺܝܢ ܐܶܢ ܒ݁ܳܦ݂ܓ݂ܳܪ ܕ݁ܶܝܢ ܘܶܐܢ ܕ݁ܠܳܐ ܦ݁ܓ݂ܳܪ ܠܳܐ ܝܳܕ݂ܳܥ ܐܢܳܐ ܐܳܠܳܗܳܐ ܗܽܘ ܝܳܕ݂ܳܥ ܕ݁ܶܐܬ݂ܚܛܶܦ݂ ܗܽܘ ܗܳܢܳܐ ܥܕ݂ܳܡܳܐ ܫܡܳܝܳܐ ܕ݁ܳܬ݂ܠܳܬ݂ܳܐ
PESHITTA
ܘܝܳܕ݂ܳܥ ܐܢܳܐ ܠܶܗ ܠܗܳܢܳܐ ܒ݁ܳܪܢܳܫܳܐ ܐܶܢ ܒ݁ܳܦ݂ܓ݂ܳܪ ܕ݁ܶܝܢ ܘܶܐܢ ܕ݁ܠܳܐ ܦ݁ܓ݂ܳܪ ܠܳܐ ܝܳܕ݂ܳܥ ܐܢܳܐ ܐܳܠܳܗܳܐ ܗܽܘ ܝܳܕ݂ܳܥ
PESHITTA
ܕ݁ܶܐܬ݂ܚܛܶܦ݂ ܠܦ݂ܳܪܕ݁ܳܝܣܳܐ ܘܳܫܡܳܥ ܡܶܠܶܐ ܕ݁ܠܳܐ ܡܶܬ݂ܡܳܠܠܳܢ ܐܳܝܠܶܝܢ ܕ݁ܠܳܐ ܫܳܠܺܝܛ ܠܒ݂ܳܪܢܳܫܳܐ ܠܳܡܡܳܠܳܠܽܘ ܐܶܢܶܝܢ
PESHITTA
ܥܳܠ ܗܳܢܳܐ ܐܶܫܬ݁ܳܒ݂ܗܳܪ ܥܳܠ ܢܳܦ݂ܫܝ ܕ݁ܶܝܢ ܠܳܐ ܐܶܫܬ݁ܳܒ݂ܗܳܪ ܐܶܠܳܐ ܐܶܢ ܒ݁ܟ݂ܽܘܪܗܳܢܶܐ
PESHITTA
ܐܶܢ ܐܶܒ݁ܶܐ ܓ݁ܶܝܪ ܕ݁ܶܐܫܬ݁ܳܒ݂ܗܳܪ ܠܳܐ ܗܳܘܶܐ ܐܢܳܐ ܫܳܛܝܳܐ ܫܪܳܪܳܐ ܗܽܘ ܓ݁ܶܝܪ ܐܳܡܳܪ ܐܢܳܐ ܚܳܐܶܣܢܳܐ ܕ݁ܶܝܢ ܕ݁ܳܠܡܳܐ ܐܢܳܫ ܢܶܬ݂ܪܳܥܶܐ ܥܠܳܝ ܝܳܬ݁ܺܝܪ ܡܶܢ ܡܳܐ ܕ݁ܚܳܙܶܐ ܠܺܝ ܘܳܕ݂ܫܳܡܳܥ ܡܶܢܝ
PESHITTA
ܘܳܕ݂ܠܳܐ ܐܶܬ݁ܪܺܝܡ ܒ݁ܝܳܬ݁ܺܝܪܽܘܬ݂ܳܐ ܕ݁ܓ݂ܶܠܝܳܢܶܐ ܐܶܫܬ݁ܠܶܡ ܠܺܝ ܫܦ݂ܳܝܳܐ ܠܒ݂ܶܣܪܝ ܡܳܠܳܐܟ݂ܶܗ ܕ݁ܣܳܛܳܢܳܐ ܕ݁ܢܶܗܘܶܐ ܡܩܳܦ݁ܳܚ ܠܺܝ ܕ݁ܠܳܐ ܐܶܬ݁ܪܺܝܡ
PESHITTA
ܘܥܳܠ ܗܳܢܳܐ ܬ݁ܠܳܬ݂ ܙܳܒ݂ܢܺܝܢ ܒ݁ܥܺܝܬ݂ ܡܶܢ ܡܳܪܝ ܕ݁ܢܳܦ݂ܪܶܩ ܡܶܢܝ
PESHITTA
ܘܶܐܡܳܪ ܠܺܝ ܣܳܦ݂ܩܳܐ ܠܳܟ݂ ܛܳܝܒ݁ܽܘܬ݂ܝ ܚܳܝܠܝ ܓ݁ܶܝܪ ܒ݁ܳܟ݂ܪܺܝܗܽܘܬ݂ܳܐ ܗܽܘ ܡܶܬ݂ܓ݁ܡܳܪ ܚܳܕ݂ܝܳܐܝܺܬ݂ ܗܳܟ݂ܺܝܠ ܐܶܫܬ݁ܳܒ݂ܗܳܪ ܒ݁ܟ݂ܽܘܪܗܳܢܳܝ ܕ݁ܢܳܓ݁ܶܢ ܥܠܳܝ ܚܳܝܠܶܗ ܕ݁ܳܡܫܺܝܚܳܐ
PESHITTA
ܡܶܛܽܠ ܗܳܢܳܐ ܳܒ݂ܶܐ ܐܢܳܐ ܒ݁ܟ݂ܽܘܪܗܳܢܶܐ ܒ݁ܳܥܪܳܐ ܒ݁ܽܐܘܠܳܢܶܐ ܒ݁ܳܪܕ݂ܽܘܦ݂ܝܳܐ ܒ݁ܳܚܒ݂ܽܘܫܝܳܐ ܕ݁ܥܳܠ ܐܳܦ݁ܳܝ ܡܫܺܝܚܳܐ ܐܶܡܳܬ݂ܝ ܕ݁ܳܟ݂ܪܺܝܗ ܐܢܳܐ ܓ݁ܶܝܪ ܗܳܝܕ݁ܶܝܢ ܗܽܘ ܚܳܝܠܬ݂ܳܢ ܐܢܳܐ
PESHITTA
ܗܳܐ ܗܘܺܝܬ݂ ܚܳܣܺܝܪ ܪܶܥܝܳܢܳܐ ܒ݁ܫܽܘܒ݂ܗܳܪܝ ܕ݁ܳܐܢܬ݁ܽܘܢ ܐܶܠܳܬ݁ܽܘܢܳܢܝ ܚܳܝܳܒ݂ܺܝܢ ܗܘܳܝܬ݁ܽܘܢ ܓ݁ܶܝܪ ܕ݁ܳܐܢܬ݁ܽܘܢ ܬ݁ܳܣܗܕ݂ܽܘܢ ܥܠܳܝ ܡܶܛܽܠ ܕ݁ܠܳܐ ܒ݁ܳܪܶܬ݂ ܡܶܕ݁ܶܡ ܡܶܢ ܫܠܺܝܚܶܐ ܐܳܝܠܶܝܢ ܕ݁ܛܳܒ݂ ܡܝܳܬ݁ܪܺܝܢ ܘܳܐܦ݂ܶܢ ܠܳܐ ܗܘܺܝܬ݂ ܡܶܕ݁ܶܡ
PESHITTA
ܐܳܬ݂ܘܳܬ݂ܳܐ ܕ݁ܳܫܠܺܝܚܶܐ ܥܶܒ݂ܕ݁ܶܬ݂ ܒ݁ܳܝܢܳܬ݂ܟ݂ܽܘܢ ܒ݁ܟ݂ܽܠ ܡܣܳܝܒ݁ܪܳܢܽܘ ܘܒ݂ܳܓ݂ܒ݂ܳܪܘܳܬ݂ܳܐ ܘܳܒ݂ܬ݂ܶܕ݂ܡܪܳܬ݂ܳܐ ܘܳܒ݂ܚܳܝܠܶܐ
Blogs over 2 Petrus 12
Nog geen artikelen die specifiek naar 2 Petrus 12 verwijzen. Zoek toch op de hoofdsite →