PESHITTA
ܟ݁ܽܠ ܪܳܒ݁ ܟ݁ܽܘܡܪܶܐ ܓ݁ܶܝܪ ܕ݁ܡܶܢ ܒ݁ܢܳܝܢܳܫܳܐ ܗܳܘܶܐ ܚܠܳܦ݂ ܒ݁ܢܳܝܢܳܫܳܐ ܩܳܐܶܡ ܥܳܠ ܐܳܝܠܶܝܢ ܕ݁ܕ݂ܳܐܠܳܗܳܐ ܐܶܢܶܝܢ ܕ݁ܳܢܩܳܪܶܒ݂ ܩܽܘܪܒ݁ܳܢܶܐ ܘܕ݂ܶܒ݂ܚܶܐ ܚܠܳܦ݂ ܚܛܳܗܶܐ
BRIEVEN
Kolossenzen 5
Πρὸς Κολοσσαεῖς
Hoofdstukken (13)← → toetsen
Getuigen
Interlineair
Tekstgrootte
Diff
PESHITTA
ܐܳܝܢܳܐ ܕ݁ܡܶܫܟ݁ܳܚ ܕ݁ܢܳܡܶܟ݂ ܢܳܦ݂ܫܶܗ ܘܢܶܚܳܫ ܥܳܡ ܐܳܝܠܶܝܢ ܕ݁ܠܳܐ ܝܳܕ݂ܥܺܝܢ ܘܛܳܥܶܝܢ ܡܶܛܽܠ ܕ݁ܳܐܦ݂ ܗܽܘ ܟ݁ܪܺܝܗܽܘܬ݂ܳܐ ܠܒ݂ܺܝܫ
PESHITTA
ܘܡܶܛܽܠܳܬ݂ܳܗ ܚܳܝܳܒ݂ ܗܽܘ ܕ݁ܳܐܝܟ݁ܳܢܳܐ ܕ݁ܳܚܠܳܦ݂ ܥܳܡܳܐ ܗܳܟ݂ܳܢܳܐ ܐܳܦ݂ ܚܠܳܦ݂ ܢܳܦ݂ܫܶܗ ܢܩܳܪܶܒ݂ ܥܳܠ ܚܛܳܗܳܘܗܝ
PESHITTA
ܘܠܳܐ ܗܘܳܐ ܠܢܳܦ݂ܫܶܗ ܐܢܳܫ ܢܳܣܶܒ݂ ܐܺܝܩܳܪܳܐ ܐܶܠܳܐ ܐܳܝܢܳܐ ܕ݁ܡܶܬ݂ܩܪܶܐ ܡܶܢ ܐܳܠܳܗܳܐ ܐܳܝܟ݁ܳܢܳܐ ܕ݁ܳܐܗܪܽܘܢ
PESHITTA
ܗܳܟ݂ܳܢܳܐ ܐܳܦ݂ ܡܫܺܝܚܳܐ ܠܳܐ ܗܘܳܐ ܢܳܦ݂ܫܶܗ ܫܳܒ݁ܳܚ ܕ݁ܢܶܗܘܶܐ ܪܳܒ݁ ܟ݁ܽܘܡܪܶܐ ܐܶܠܳܐ ܗܳܘ ܕ݁ܶܐܡܳܪ ܠܶܗ ܕ݁ܒ݂ܶܪܝ ܐܳܢܬ݁ ܐܶܢܳܐ ܝܳܘܡܳܢܳܐ ܝܺܠܶܕ݁ܬ݁ܳܟ݂
PESHITTA
ܐܳܝܟ݂ ܕ݁ܳܐܦ݂ ܒ݁ܕ݂ܽܘܟ݁ܬ݂ܳܐ ܐܚܪܺܬ݂ܳܐ ܐܶܡܳܪ ܕ݁ܳܐܢܬ݁ ܗܽܘ ܟ݁ܽܘܡܪܳܐ ܠܥܳܠܳܡ ܒ݁ܳܕ݂ܡܽܘܬ݂ܶܗ ܕ݁ܡܳܠܟ݁ܺܝܙܕ݂ܶܩ
PESHITTA
ܐܳܦ݂ ܟ݁ܳܕ݂ ܒ݁ܶܣܪܳܐ ܠܒ݂ܺܝܫ ܗܘܳܐ ܒ݁ܳܥܽܘܬ݂ܳܐ ܘܬ݂ܳܟ݂ܫܶܦ݂ܬ݁ܳܐ ܒ݁ܳܓ݂ܥܳܬ݂ܳܐ ܚܳܝܠܬ݂ܳܢܺܝܬ݂ܳܐ ܘܳܒ݂ܕ݂ܶܡܥܶܐ ܩܳܪܶܒ݂ ܗܘܳܐ ܠܡܳܢ ܕ݁ܡܶܫܟ݁ܳܚ ܗܘܳܐ ܡܶܢ ܡܳܘܬ݁ܳܐ ܕ݁ܢܳܚܶܝܘܗܝ ܘܶܐܫܬ݁ܡܳܥ
PESHITTA
ܘܟ݂ܳܕ݂ ܛܳܒ݂ ܒ݁ܪܳܐ ܐܺܝܬ݂ܳܘܗܝ ܡܶܢ ܕ݁ܶܚܠܬ݂ܳܐ ܘܚܳܫܶܐ ܕ݁ܳܣܒ݂ܳܠ ܝܳܠܦ݁ܳܗ ܠܡܶܫܬ݁ܳܡܥܳܢܽܘܬ݂ܳܐ
PESHITTA
ܘܗܳܟ݂ܳܢܳܐ ܐܶܬ݂ܓ݁ܡܳܪ ܘܳܗܘܳܐ ܠܟ݂ܽܠܗܽܘܢ ܐܳܝܠܶܝܢ ܕ݁ܡܶܫܬ݁ܳܡܥܺܝܢ ܠܶܗ ܥܶܠܬ݂ܳܐ ܕ݁ܚܳܝܶܐ ܕ݁ܳܠܥܳܠܳܡ
PESHITTA
ܘܶܐܫܬ݁ܳܡܳܗ ܡܶܢ ܐܳܠܳܗܳܐ ܪܳܒ݁ ܟ݁ܽܘܡܪܶܐ ܒ݁ܳܕ݂ܡܽܘܬ݂ܶܗ ܕ݁ܡܳܠܟ݁ܺܝܙܕ݂ܶܩ
PESHITTA
ܥܠܳܘܗܝ ܕ݁ܶܝܢ ܥܳܠ ܗܳܢܳܐ ܡܳܠܟ݁ܺܝܙܕ݂ܶܩ ܣܳܓ݁ܺܝܳܐܐ ܗܝ ܠܳܢ ܡܶܠܬ݂ܳܐ ܠܡܺܐܡܪܳܗ ܘܥܳܣܩܳܐ ܠܳܡܦ݂ܳܫܳܩܽܘܬ݂ܳܗ ܡܶܛܽܠ ܕ݁ܳܗܘܳܝܬ݁ܽܘܢ ܠܟ݂ܽܘܢ ܟ݁ܪܺܝܗܶܐ ܒ݁ܡܳܫܡܳܥܬ݂ܟ݂ܽܘܢ
PESHITTA
ܚܳܝܳܒ݂ܺܝܢ ܗܘܳܝܬ݁ܽܘܢ ܓ݁ܶܝܪ ܡܳܠܦ݂ܳܢܶܐ ܠܡܶܗܘܳܐ ܡܶܛܽܠ ܕ݁ܙܳܒ݂ܢܳܐ ܠܟ݂ܽܘܢ ܒ݁ܝܽܘܠܦ݁ܳܢܳܐ ܗܳܫܳܐ ܕ݁ܶܝܢ ܬ݁ܽܘܒ݂ ܣܢܺܝܩܺܝܢ ܐܢܬ݁ܽܘܢ ܕ݁ܬ݂ܺܐܠܦ݁ܽܘܢ ܐܳܝܠܶܝܢ ܐܶܢܶܝܢ ܟ݁ܬ݂ܺܝܒ݂ܳܬ݂ܳܐ ܩܳܕ݂ܡܳܝܳܬ݂ܳܐ ܕ݁ܪܺܝܫ ܡܶܠܳܘܗܝ ܕ݁ܳܐܠܳܗܳܐ ܘܳܗܘܳܝܬ݁ܽܘܢ ܠܟ݂ܽܘܢ ܣܢܺܝܩܶܐ ܥܳܠ ܚܳܠܒ݂ܳܐ ܘܠܳܐ ܥܳܠ ܡܶܐܟ݂ܽܘܠܬ݁ܳܐ ܫܳܪܺܝܪܬ݁ܳܐ
Blogs over Kolossenzen 5
Nog geen artikelen die specifiek naar Kolossenzen 5 verwijzen. Zoek toch op de hoofdsite →