BRIEVEN

Kolossenzen 8

Πρὸς Κολοσσαεῖς

Hoofdstukken (13)← → toetsen

1 2 3 4 5 6 7 8 9 10 11 12 13

Getuigen

Interlineair

Tekstgrootte

Diff

PESHITTA

ܪܺܝܫܳܐ ܕ݁ܶܝܢ ܕ݁ܟ݂ܽܠܗܶܝܢ ܐܺܝܬ݂ ܠܳܢ ܪܳܒ݁ ܟ݁ܽܘܡܪܶܐ ܐܳܝܢܳܐ ܕ݁ܺܝܬ݂ܶܒ݂ ܡܶܢ ܝܳܡܺܝܢܳܐ ܕ݁ܟ݂ܽܘܪܣܝܳܐ ܕ݁ܪܳܒ݁ܽܘܬ݂ܳܐ ܒ݁ܳܫܡܳܝܳܐ

PESHITTA

ܘܳܗܘܳܐ ܡܫܳܡܫܳܢܳܐ ܕ݁ܒ݂ܶܝܬ݂ ܩܽܘܕ݂ܫܳܐ ܘܳܕ݂ܡܳܫܟ݁ܢܳܐ ܕ݁ܳܫܪܳܪܳܐ ܗܳܘ ܕ݁ܳܩܒ݂ܳܥ ܐܳܠܳܗܳܐ ܘܠܳܐ ܒ݁ܳܪܢܳܫܳܐ

PESHITTA

ܟ݁ܽܠ ܪܳܒ݁ ܟ݁ܽܘܡܪܶܐ ܓ݁ܶܝܪ ܕ݁ܩܳܐܶܡ ܕ݁ܳܢܩܳܪܶܒ݂ ܩܽܘܪܒ݁ܳܢܶܐ ܘܕ݂ܶܒ݂ܚܶܐ ܡܶܛܽܠ ܗܳܢܳܐ ܙܳܕ݂ܩܳܐ ܗܘܳܬ݂ ܐܳܦ݂ ܠܗܳܢܳܐ ܕ݁ܢܶܗܘܶܐ ܐܺܝܬ݂ ܠܶܗ ܡܶܕ݁ܶܡ ܕ݁ܳܢܩܳܪܶܒ݂

PESHITTA

ܘܶܐܠܽܘ ܒ݁ܳܐܪܥܳܐ ܗܘܳܐ ܐܳܦ݂ܠܳܐ ܟ݁ܽܘܡܪܳܐ ܗܳܘܶܐ ܗܘܳܐ ܡܶܛܽܠ ܕ݁ܺܐܝܬ݂ܳܝܗܽܘܢ ܗܘܳܘ ܟ݁ܽܘܡܪܶܐ ܕ݁ܳܡܩܳܪܒ݂ܺܝܢ ܗܘܳܘ ܩܽܘܪܒ݁ܳܢܶܐ ܐܳܝܟ݂ ܕ݁ܳܒ݂ܢܳܡܽܘܣܳܐ

PESHITTA

ܗܳܢܽܘܢ ܕ݁ܳܡܫܳܡܫܺܝܢ ܠܳܕ݂ܡܽܘܬ݂ܳܐ ܘܳܠܛܶܠܳܢܝܳܬ݂ܳܐ ܕ݁ܗܳܠܶܝܢ ܕ݁ܒ݂ܳܫܡܳܝܳܐ ܐܳܝܟ݂ ܕ݁ܶܐܬ݂ܶܐܡܳܪ ܠܡܽܘܫܶܐ ܟ݁ܳܕ݂ ܥܳܒ݂ܶܕ݂ ܗܘܳܐ ܡܳܫܟ݁ܢܳܐ ܕ݁ܳܚܙܺܝ ܘܳܥܒ݂ܶܕ݂ ܟ݁ܽܠܡܶܕ݁ܶܡ ܒ݁ܳܕ݂ܡܽܘܬ݂ܳܐ ܗܳܝ ܕ݁ܶܐܬ݂ܚܳܙܝܳܬ݂ ܠܳܟ݂ ܒ݁ܛܽܘܪܳܐ

PESHITTA

ܗܳܫܳܐ ܕ݁ܶܝܢ ܬ݁ܶܫܡܶܫܬ݁ܳܐ ܕ݁ܳܡܝܳܬ݁ܪܳܐ ܡܶܢ ܗܳܝ ܩܳܒ݁ܶܠ ܝܶܫܽܘܥ ܡܫܺܝܚܳܐ ܐܳܟ݂ܡܳܐ ܕ݁ܳܡܝܳܬ݁ܪܳܐ ܐܳܦ݂ ܕ݁ܺܝܳܬ݂ܺܝܩܺܐ ܗܳܝ ܕ݁ܳܥܒ݂ܺܝܕ݂ ܒ݁ܳܗ ܡܶܥܳܝܳܐ ܘܳܒ݂ܫܽܘܘܕ݁ܳܝܶܐ ܕ݁ܳܡܝܳܬ݁ܪܺܝܢ ܡܶܢ ܕ݁ܗܳܝ ܐܶܬ݂ܝܳܗܒ݁ܳܬ݂

PESHITTA

ܐܶܠܽܘ ܓ݁ܶܝܪ ܐܺܝܬ݂ܶܝܗ ܗܘܳܬ݂ ܩܳܕ݂ܡܳܝܬ݁ܳܐ ܕ݁ܠܳܐ ܪܶܫܝܳܢ ܠܳܝܬ݁ ܗܘܳܐ ܐܳܬ݂ܪܳܐ ܠܗܳܕ݂ܶܐ ܕ݁ܬ݂ܳܪܬ݁ܶܝܢ

PESHITTA

ܪܳܫܶܐ ܠܗܽܘܢ ܓ݁ܶܝܪ ܘܶܐܡܳܪ ܕ݁ܗܳܐ ܝܳܘܡܳܬ݂ܳܐ ܐܳܬ݂ܶܝܢ ܐܳܡܳܪ ܡܳܪܝܳܐ ܘܶܐܓ݂ܡܽܘܪ ܥܳܠ ܒ݁ܳܝܬ݁ܳܐ ܕ݁ܒ݂ܶܝܬ݂ ܐܺܝܣܪܳܝܶܠ ܘܥܳܠ ܒ݁ܳܝܬ݁ܳܐ ܕ݁ܒ݂ܶܝܬ݂ ܝܺܗܽܘܕ݂ܳܐ ܕ݁ܺܝܳܬ݂ܺܩܺܐ ܚܕ݂ܳܬ݂ܳܐ

PESHITTA

ܠܳܐ ܐܳܝܟ݂ ܗܳܝ ܕ݁ܺܝܳܬ݂ܺܩܺܐ ܕ݁ܝܶܗܒ݁ܶܬ݂ ܠܳܐܒ݂ܳܗܳܝܗܽܘܢ ܒ݁ܝܳܘܡܳܐ ܕ݁ܶܐܚܕ݁ܶܬ݂ ܒ݁ܺܐܝܕ݂ܗܽܘܢ ܘܳܐܦ݁ܩܶܬ݂ ܐܶܢܽܘܢ ܡܶܢ ܐܳܪܥܳܐ ܕ݁ܡܶܪܶܝܢ ܡܶܛܽܠ ܕ݁ܗܶܢܽܘܢ ܠܳܐ ܩܳܘܺܝܘ ܒ݁ܕ݂ܺܝܳܬ݂ܺܩܺܐ ܕ݁ܺܝܠܝ ܐܳܦ݂ ܐܶܢܳܐ ܒ݁ܣܺܝܬ݂ ܒ݁ܗܽܘܢ ܐܶܡܳܪ ܡܳܪܝܳܐ

PESHITTA

ܗܳܕ݂ܶܐ ܕ݁ܶܝܢ ܕ݁ܺܝܳܬ݂ܺܩܺܐ ܕ݁ܶܐܬ݁ܶܠ ܠܒ݂ܳܝܬ݁ܳܐ ܕ݁ܒ݂ܶܝܬ݂ ܐܺܝܣܪܳܝܶܠ ܒ݁ܳܬ݂ܳܪ ܝܳܘܡܳܬ݂ܳܐ ܗܳܢܽܘܢ ܐܳܡܳܪ ܡܳܪܝܳܐ ܐܶܬ݁ܠܺܝܘܗܝ ܠܢܳܡܽܘܣܝ ܒ݁ܡܳܕ݁ܥܳܝܗܽܘܢ ܘܥܳܠ ܠܶܒ݁ܳܘܳܬ݂ܗܽܘܢ ܐܶܟ݂ܬ݁ܒ݂ܺܝܘܗܝ ܘܶܐܗܘܶܐ ܠܗܽܘܢ ܐܶܢܳܐ ܐܳܠܳܗܳܐ ܘܗܶܢܽܘܢ ܢܶܗܘܽܘܢ ܠܺܝ ܥܳܡܳܐ

PESHITTA

ܘܠܳܐ ܢܳܠܶܦ݂ ܐܢܳܫ ܠܒ݂ܳܪ ܡܕ݂ܺܝܢܬ݁ܶܗ ܐܳܦ݂ܠܳܐ ܠܳܐܚܽܘܗܝ ܘܢܺܐܡܳܪ ܕ݁ܕ݂ܳܥ ܠܡܳܪܝܳܐ ܡܶܛܽܠ ܕ݁ܟ݂ܽܠܗܽܘܢ ܢܶܕ݁ܥܽܘܢܳܢܝ ܡܶܢ ܙܥܽܘܪܗܽܘܢ ܘܳܥܕ݂ܳܡܳܐ ܠܩܳܫܺܝܫܗܽܘܢ

PESHITTA

ܘܶܐܚܳܣܶܐ ܐܶܢܽܘܢ ܡܶܢ ܥܳܘܠܗܽܘܢ ܘܳܚܛܳܗܳܝܗܽܘܢ ܬ݁ܽܘܒ݂ ܠܳܐ ܐܶܬ݁ܕ݁ܟ݂ܳܪ ܠܗܽܘܢ

Op De Naamdragers

Blogs over Kolossenzen 8

Nog geen artikelen die specifiek naar Kolossenzen 8 verwijzen. Zoek toch op de hoofdsite →