BRIEVEN

Kolossenzen 10

Πρὸς Κολοσσαεῖς

Hoofdstukken (13)← → toetsen

1 2 3 4 5 6 7 8 9 10 11 12 13

Getuigen

Interlineair

Tekstgrootte

Diff

PESHITTA

ܢܳܡܽܘܣܳܐ ܓ݁ܶܝܪ ܛܶܠܳܢܺܝܬ݂ܳܐ ܐܺܝܬ݂ ܗܘܳܐ ܒ݁ܶܗ ܕ݁ܛܳܒ݂ܳܬ݂ܳܐ ܕ݁ܳܥܬ݂ܺܝܕ݂ܳܢ ܠܳܐ ܗܘܳܐ ܩܢܽܘܡܳܐ ܕ݁ܺܝܠܗܶܝܢ ܕ݁ܶܒ݂ܘܳܬ݂ܳܐ ܡܶܛܽܠ ܗܳܢܳܐ ܟ݁ܳܕ݂ ܒ݁ܟ݂ܽܠ ܫܢܳܐ ܗܶܢܽܘܢ ܟ݁ܳܕ݂ ܗܶܢܽܘܢ ܕ݁ܶܒ݂ܚܶܐ ܡܶܬ݂ܩܳܪܒ݂ܺܝܢ ܗܘܳܘ ܠܳܐ ܡܶܡܬ݂ܽܘܡ ܐܶܫܟ݁ܳܚܘ ܕ݁ܢܶܓ݂ܡܪܽܘܢ ܠܳܐܝܠܶܝܢ ܕ݁ܳܡܩܳܪܒ݂ܺܝܢ ܠܗܽܘܢ

PESHITTA

ܐܶܠܽܘ ܓ݁ܶܝܪ ܓ݁ܳܡܪܺܝܢ ܗܘܳܘ ܟ݁ܒ݂ܳܪ ܕ݁ܶܝܢ ܐܶܬ݁ܬ݁ܢܺܝܚܘ ܡܶܢ ܩܽܘܪܒ݁ܳܢܳܝܗܽܘܢ ܡܶܛܽܠ ܕ݁ܠܳܐ ܡܶܟ݁ܺܝܠ ܛܳܪܝܳܐ ܗܘܳܬ݂ ܠܗܽܘܢ ܬ݁ܺܐܪܬ݁ܗܽܘܢ ܒ݁ܳܚܛܳܗܶܐ ܠܳܐܝܠܶܝܢ ܕ݁ܳܚܕ݂ܳܐ ܙܒ݂ܳܢ ܐܶܬ݁ܕ݁ܳܟ݁ܺܝܘ ܠܗܽܘܢ

PESHITTA

ܐܶܠܳܐ ܒ݁ܗܽܘܢ ܒ݁ܕ݂ܶܒ݂ܚܶܐ ܡܳܕ݂ܟ݁ܪܺܝܢ ܚܛܳܗܳܝܗܽܘܢ ܒ݁ܟ݂ܽܠ ܫܢܳܐ

PESHITTA

ܠܳܐ ܓ݁ܶܝܪ ܡܶܫܟ݁ܳܚ ܕ݁ܡܳܐ ܕ݁ܬ݂ܳܘܪܶܐ ܘܳܕ݂ܺܦ݂ܪܳܝܶܐ ܠܳܡܕ݂ܳܟ݁ܳܝܽܘ ܚܛܳܗܶܐ

PESHITTA

ܡܶܛܽܠ ܗܳܢܳܐ ܟ݁ܳܕ݂ ܥܳܐܶܠ ܠܥܳܠܡܳܐ ܐܶܡܳܪ ܒ݁ܕ݂ܶܒ݂ܚܶܐ ܘܩܽܘܪܒ݁ܳܢܶܐ ܠܳܐ ܒ݂ܳܝܬ݁ ܦ݁ܳܓ݂ܪܳܐ ܕ݁ܶܝܢ ܐܳܠܒ݁ܶܫܬ݁ܳܢܝ

PESHITTA

ܘܝܳܩܕ݁ܶܐ ܫܳܠܡܶܐ ܕ݁ܳܚܠܳܦ݂ ܚܛܳܗܶܐ ܠܳܐ ܫܶܐܠܬ݁

PESHITTA

ܗܳܝܕ݁ܶܝܢ ܐܶܡܪܶܬ݂ ܕ݁ܗܳܐ ܐܶܢܳܐ ܐܳܬ݂ܶܐ ܐܢܳܐ ܕ݁ܳܒ݂ܪܺܝܫ ܟ݁ܬ݂ܳܒ݂ܶܐ ܟ݁ܬ݂ܺܝܒ݂ ܥܠܳܝ ܕ݁ܶܐܥܒ݁ܶܕ݂ ܶܒ݂ܝܳܢܳܟ݂ ܐܳܠܳܗܳܐ

PESHITTA

ܡܶܢ ܠܥܶܠ ܐܶܡܳܪ ܕ݁ܕ݂ܶܒ݂ܚܶܐ ܘܩܽܘܪܒ݁ܳܢܶܐ ܘܝܳܩܕ݁ܶܐ ܫܳܠܡܶܐ ܕ݁ܳܚܠܳܦ݂ ܚܛܳܗܶܐ ܠܳܐ ܒ݂ܳܝܬ݁ ܗܳܢܽܘܢ ܕ݁ܡܶܬ݂ܩܳܪܒ݂ܺܝܢ ܗܘܳܘ ܒ݁ܢܳܡܽܘܣܳܐ

PESHITTA

ܘܒ݂ܳܬ݂ܪܶܗ ܐܶܡܳܪ ܕ݁ܗܳܐ ܐܳܬ݂ܶܐ ܐܢܳܐ ܕ݁ܶܐܥܒ݁ܶܕ݂ ܶܒ݂ܝܳܢܳܟ݂ ܐܳܠܳܗܳܐ ܒ݁ܗܳܕ݂ܶܐ ܒ݁ܳܛܶܠ ܠܩܳܕ݂ܡܳܝܬ݁ܳܐ ܕ݁ܳܢܩܺܝܡ ܠܳܕ݁ܬ݂ܳܪܬ݁ܶܝܢ

PESHITTA

ܒ݁ܗܳܢܳܐ ܓ݁ܶܝܪ ܶܒ݂ܝܳܢܶܗ ܐܶܬ݂ܩܳܕ݁ܳܫܢ ܒ݁ܩܽܘܪܒ݁ܳܢܳܐ ܕ݁ܦ݂ܳܓ݂ܪܶܗ ܕ݁ܝܶܫܽܘܥ ܡܫܺܝܚܳܐ ܕ݁ܳܚܕ݂ܳܐ ܙܒ݂ܳܢ

PESHITTA

ܟ݁ܽܠ ܪܳܒ݁ ܟ݁ܽܘܡܪܶܐ ܓ݁ܶܝܪ ܕ݁ܩܳܐܶܡ ܗܘܳܐ ܘܳܡܫܳܡܶܫ ܟ݁ܽܠܝܽܘܡ ܗܶܢܽܘܢ ܒ݁ܗܶܢܽܘܢ ܕ݁ܶܒ݂ܚܶܐ ܡܩܳܪܶܒ݂ ܗܘܳܐ ܐܳܝܠܶܝܢ ܕ݁ܡܶܢ ܡܬ݂ܽܘܡ ܠܳܐ ܡܶܫܟ݁ܚܺܝܢ ܗܘܳܘ ܠܳܡܕ݂ܳܟ݁ܳܝܽܘ ܚܛܳܗܶܐ

PESHITTA

ܗܳܢܳܐ ܕ݁ܶܝܢ ܚܳܕ݂ ܕ݁ܶܒ݂ܚܳܐ ܩܳܪܶܒ݂ ܚܠܳܦ݂ ܚܛܳܗܶܐ ܘܺܝܬ݂ܶܒ݂ ܥܳܠ ܝܳܡܺܝܢܳܐ ܕ݁ܳܐܠܳܗܳܐ ܠܥܳܠܳܡ

Op De Naamdragers

Blogs over Kolossenzen 10

Nog geen artikelen die specifiek naar Kolossenzen 10 verwijzen. Zoek toch op de hoofdsite →