PESHITTA
ܒ݁ܩܳܕ݂ܡܳܝܬ݁ܳܐ ܕ݁ܶܝܢ ܐܺܝܬ݂ ܗܘܳܐ ܒ݁ܳܗ ܦ݁ܽܘܩܳܕ݂ܶܐ ܕ݁ܬ݂ܶܫܡܶܫܬ݁ܳܐ ܘܒ݂ܶܝܬ݂ ܩܽܘܕ݂ܫܳܐ ܥܳܠܡܳܢܳܝܳܐ
BRIEVEN
Kolossenzen 9
Πρὸς Κολοσσαεῖς
Hoofdstukken (13)← → toetsen
Getuigen
Interlineair
Tekstgrootte
Diff
PESHITTA
ܡܳܫܟ݁ܢܳܐ ܓ݁ܶܝܪ ܩܳܕ݂ܡܳܝܳܐ ܕ݁ܶܐܬ݂ܥܒ݂ܶܕ݂ ܐܺܝܬ݂ ܗܘܳܐ ܒ݁ܶܗ ܡܢܳܪܬ݁ܳܐ ܘܦ݂ܳܬ݂ܽܘܪܳܐ ܘܳܠܚܶܡ ܐܳܦ݁ܶܐ ܘܡܶܬ݂ܩܪܶܐ ܗܘܳܐ ܒ݁ܶܝܬ݂ ܩܽܘܕ݂ܫܳܐ
PESHITTA
ܡܳܫܟ݁ܢܳܐ ܕ݁ܶܝܢ ܓ݁ܳܘܳܝܳܐ ܕ݁ܳܠܓ݂ܳܘ ܡܶܢ ܐܳܦ݁ܳܝ ܬ݁ܳܪܥܳܐ ܕ݁ܳܬ݂ܪܶܝܢ ܡܶܬ݂ܩܪܶܐ ܗܘܳܐ ܩܕ݂ܽܘܫ ܩܽܘܕ݂ܫܶܐ
PESHITTA
ܘܺܐܝܬ݂ ܗܘܳܐ ܒ݁ܶܗ ܒ݁ܶܝܬ݂ ܒ݁ܶܣܡܶܐ ܕ݁ܕ݂ܳܗܒ݂ܳܐ ܘܩܺܒ݂ܽܘܬ݂ܳܐ ܕ݁ܕ݂ܺܝܳܬ݂ܺܩܺܐ ܕ݁ܳܩܪܺܝܡܳܐ ܟ݁ܽܠܳܗ ܒ݁ܕ݂ܳܗܒ݂ܳܐ ܘܺܐܝܬ݂ ܒ݁ܳܗ ܩܶܣܛܳܐ ܕ݁ܕ݂ܳܗܒ݂ܳܐ ܗܳܝ ܕ݁ܺܐܝܬ݂ ܗܘܳܐ ܒ݁ܳܗ ܡܳܢܢܳܐ ܘܫܳܒ݂ܛܳܐ ܕ݁ܳܐܗܪܽܘܢ ܗܳܘ ܕ݁ܳܐܦ݂ܪܳܥ ܘܠܽܘܚܶܐ ܕ݁ܕ݂ܺܝܳܬ݂ܺܩܺܐ
PESHITTA
ܘܳܠܥܶܠ ܡܶܢܳܗ ܟ݁ܪܽܘܒ݂ܶܐ ܕ݁ܫܽܘܒ݂ܚܳܐ ܕ݁ܡܳܛܠܺܝܢ ܥܳܠ ܚܽܘܣܳܝܳܐ ܠܳܐ ܗܘܳܐ ܕ݁ܶܝܢ ܙܳܒ݂ܢܳܐ ܗܘ ܕ݁ܢܺܐܡܳܪ ܥܳܠ ܚܕ݂ܳܐ ܚܕ݂ܳܐ ܡܶܢ ܗܳܠܶܝܢ ܕ݁ܗܳܟ݂ܳܢܳܐ ܡܳܬ݂ܩܢܳܢ ܗܘܳܝ
PESHITTA
ܘܳܠܡܳܫܟ݁ܢܳܐ ܒ݁ܳܪܳܝܳܐ ܒ݁ܟ݂ܽܠܙܒ݂ܳܢ ܥܳܐܠܺܝܢ ܗܘܳܘ ܟ݁ܽܘܡܪܶܐ ܘܳܡܫܳܠܡܺܝܢ ܗܘܳܘ ܬ݁ܶܫܡܶܫܬ݁ܗܽܘܢ
PESHITTA
ܠܡܳܫܟ݁ܢܳܐ ܕ݁ܶܝܢ ܕ݁ܳܠܓ݂ܳܘ ܡܶܢܶܗ ܚܕ݂ܳܐ ܗܘ ܒ݁ܫܳܢܬ݁ܳܐ ܒ݁ܳܠܚܽܘܕ݂ܳܘܗܝ ܥܳܐܶܠ ܗܘܳܐ ܪܳܒ݁ܟ݁ܽܘܡܪܶܐ ܒ݁ܳܕ݂ܡܳܐ ܗܳܘ ܕ݁ܳܡܩܳܪܶܒ݂ ܗܘܳܐ ܚܠܳܦ݂ ܢܳܦ݂ܫܶܗ ܘܳܚܠܳܦ݂ ܣܳܟ݂ܠܽܘܬ݂ܶܗ ܕ݁ܥܳܡܳܐ
PESHITTA
ܒ݁ܗܳܕ݂ܶܐ ܕ݁ܶܝܢ ܡܳܘܕ݁ܥܳܐ ܗܘܳܬ݂ ܪܽܘܚܳܐ ܕ݁ܩܽܘܕ݂ܫܳܐ ܕ݁ܠܳܐ ܐܶܬ݂ܓ݁ܳܠܝܳܬ݂ ܥܕ݂ܳܟ݁ܺܝܠ ܐܽܘܪܚܳܐ ܕ݁ܩܳܕ݁ܺܝܫܶܐ ܟ݁ܡܳܐ ܙܳܒ݂ܢܳܐ ܕ݁ܺܐܝܬ݂ ܗܘܳܐ ܩܝܳܡܳܐ ܠܡܳܫܟ݁ܢܳܐ ܩܳܕ݂ܡܳܝܳܐ
PESHITTA
ܘܺܐܝܬ݂ܳܘܗܝ ܗܘܳܐ ܡܳܬ݂ܠܳܐ ܗܳܢܳܐ ܠܙܳܒ݂ܢܳܐ ܗܳܘ ܕ݁ܒ݂ܶܗ ܩܽܘܪܒ݁ܳܢܶܐ ܘܕ݂ܶܒ݂ܚܶܐ ܡܶܬ݂ܩܳܪܒ݂ܺܝܢ ܗܘܳܘ ܐܳܝܠܶܝܢ ܕ݁ܠܳܐ ܡܶܫܟ݁ܚܺܝܢ ܗܘܳܘ ܠܡܶܓ݂ܡܳܪ ܬ݁ܺܐܪܬ݁ܶܗ ܕ݁ܡܳܢ ܕ݁ܳܡܩܳܪܶܒ݂ ܠܗܽܘܢ
PESHITTA
ܐܶܠܳܐ ܒ݁ܡܶܐܟ݂ܠܳܐ ܘܳܒ݂ܡܳܫܬ݁ܝܳܐ ܒ݁ܳܠܚܽܘܕ݂ ܘܳܒ݂ܡܳܥܡܽܘܕ݂ܝܳܬ݂ܳܐ ܕ݁ܳܙܢܺܝܢ ܙܢܺܝܢ ܕ݁ܺܐܝܬ݂ܳܝܗܶܝܢ ܦ݁ܽܘܩܳܕ݂ܶܐ ܕ݁ܒ݂ܶܣܪܳܐ ܕ݁ܣܺܝܡܺܝܢ ܥܕ݂ܳܡܳܐ ܠܙܳܒ݂ܢܳܐ ܕ݁ܬ݂ܽܘܪܳܳܐ
PESHITTA
ܡܫܺܝܚܳܐ ܕ݁ܶܝܢ ܕ݁ܶܐܬ݂ܳܐ ܗܘܳܐ ܪܳܒ݁ܟ݁ܽܘܡܪܶܐ ܕ݁ܛܳܒ݂ܳܬ݂ܳܐ ܕ݁ܳܣܥܳܪ ܘܥܳܠ ܠܡܳܫܟ݁ܢܳܐ ܪܳܒ݁ܳܐ ܘܳܡܫܳܠܡܳܢܳܐ ܕ݁ܠܳܐ ܥܒ݂ܺܝܕ݂ ܒ݁ܺܐܝܕ݂ܳܝܳܐ ܘܠܳܐ ܗܘܳܐ ܡܶܢ ܗܳܠܶܝܢ ܒ݁ܶܪܝܳܬ݂ܳܐ
PESHITTA
ܘܠܳܐ ܥܳܠ ܒ݁ܳܕ݂ܡܳܐ ܕ݁ܺܦ݂ܪܳܝܶܐ ܘܳܕ݂ܥܶܓ݂ܠܶܐ ܐܶܠܳܐ ܒ݁ܳܕ݂ܡܳܐ ܕ݁ܢܳܦ݂ܫܶܗ ܥܳܠ ܚܕ݂ܳܐ ܙܒ݂ܳܢ ܠܒ݂ܶܝܬ݂ ܡܳܩܕ݁ܫܳܐ ܘܶܐܫܟ݁ܳܚ ܦ݁ܽܘܪܩܳܢܳܐ ܕ݁ܳܠܥܳܠܳܡ
Blogs over Kolossenzen 9
Nog geen artikelen die specifiek naar Kolossenzen 9 verwijzen. Zoek toch op de hoofdsite →